Berita Terbaru

Penthabisan 6 Orang Sintua
Wednesday, 12 July 2017
Thumbnail Bani Minggu 18 Juni 2017, ibagas ibadah Ulang tahun GKPS Padang Bulan pa 53 tahunkon, ibahen do...
Thumbnail Bani Ulang Tahun GKPS Padang Bulan pa-53-hon, ibahen do homa acara pelepasan / bebas tugas (Purna...
Ulang Tahun GKPS Padang Bulan ke 53
Wednesday, 12 July 2017
Thumbnail Bani Minggu 18 Juni 2017, ibahen do perayaan Ulang tahun GKPS Padang Bulan na pa 53 tahun hon....
More inBerita  

Pdt. Sarintan Silalahi, STh.

Bahan Ambilan Minggu, 12 Nop  2017 (XXII Dob Trinitatis)

Teks : Matius 25 : 1 -13 Doding:Haleluya 184 : 1,2,4

 

1. Bani mungkahni teks on, domma ipatorang paboa limbaga on aima limbaga na sihol patorangkon pasal Harajaon Nagori Atas. Didalam beberapa penafsiran, Jesus isobut sebagai mempelai laki-laki. Sapuluh naboru aima gereja. Gereja terdiri atas orang-orang baik dan jahat,orang-orang bijaksana dan bodoh. Suluh na iboan sidea aima gambaran perbuatan-perbuatan baik. Minak aima kehadiran /pengurapan Roh Kudus. Roh Kudus yang ada pada gadis-gadis itu mencerminkan kualitas kesiapan mereka. Salah sada aspek humbani harajaon nagori atas aima sonaha sikap ni halak na porsaya ibagas na paimahon parrohni Tuhan Jesus napaduahalihon. Tangkas do Jesus patorangkon pasal Harajaon nagori atas ai marhiteihon limbaga pasal sapuluh anak boru, na bingkat marsiboan suluhni, laho mangalo-alo siparunjuk.Sapuluh anak boru ai, adong lima na maruhur tapi adong homa lima na oto.  Bani teks on, na “oto” na imaksud Tuhan Jesus aima halak na lang siap sedia/pasirsirhon na porlu bani na paimahon parrohni Tuhan Jesus. Sedangkan na maruhur aima halak na siap sedia/pasirsirhon na porlu bani na paimahon parrohni Tuhan Jesus.

2. Anggo adat istiadat ni halak Jahudi, mempelai laki-laki roh hu rumahni mempelai perempuan sanggah panorang borngin. Somalni mempelai laki-laki mangajak huda, marpakeian na jenges usih songon raja, anjaha adong do na mangiringi. Mempelai perempuan  mangutus 10 anak boru na laho mangalo-alo parohni mempelai laki-laki. Sidea marsiboan suluhni bei (ay.3), tapi lima anak boru na oto ai lang mamboan minak sebagai persediaan, janah lima anak boru na maruhur ai mamboan minak sebagai persediaan mana tahu hurang minakni sanggah na paimahon parohni mempelai laki-laki. Artini ijai, bahasa lima anak boru na oto ai manggambarhon pasal halak  na lang mempersiapkon segala sesuatu dengan baik na paimahon parrohni Tuhan Jesus sedangkan lima anak boru na maruhur manggambarhon halak na benar-benar mempersiapkon dirini bani na paimahon parrohni Tuhan Jesus.

3. Parrohni mempelai laki-laki ai, tartunda humbani na somal, mambahen naboru na sapuluh ai tartunduh lanjar tarpodom. Sanggah tongah borngin, adong ma na dilo-dilo “Tonggor ma, Siparunjuk in! Roh ma mangalo-alosi! (ay6). Jadi puho ma anak boru na sapuluh in anjaha ipasirsir bei ma suluhni. Hape, taridah ma bahasa lima anak boru na oto ai domma merlep suluhni halani kekurangan minak. Sidea hurang siap sedia bani paimahon siparunjuk (ay.7). Sonai ma, parrohni Tuhan Jesus na paduahalihon, bahat halak na porsaya lang mempersiapkon diri, suluhni domma padam. Cahaya iman lang be menyala ibagas dirini. Halani ai, ipangindo sidea minak hubani anak boru na mamboan persediaan minak (anak boru na maruhur). Ternyata lang jumpahan sidea. Artini anggo tiba ma panorang parrohni TJ na paduahalihon, lang boi be hita saling menolong, masing masing akan bertanggungjawab bani haganupan pambahenanni.

4. Sanggah isuruh naboru na oto ai, mamboli minak, roh ma mempelai laki-laki, janah masuk ma sidea hu pesta parunjukan  untuk bersukacita/bersorak sorai janah itutup ma labahni ai (ay.8-9). Lang be dihut  hu pesta parunjukan ai anak boru na oto ai halani domma tarlambat. Ipangindo sidea ase ibuka labah bani sidea, tapi lang ibere  halani nini siparunjuk ai bani sidea seng hutandai hanima . Domu hujon, Jesus sihol mangajari haganupan para pendengarNi age hubanta haganupan untuk tetap berjaga-jaga bani na paimahon parrohNi. Lang adong na mambotoh panorangni ai. Bani Matius 24 :36 ihatahon do bahasa lang adong na mambotoh, baik ma ai malekat na isurga, bahkan Jesus sandiri pe lang mambotoh, tapi pitah Bapa in do. Halani aima ase ihatahon : “Halani ai, jaga ma hanima, ai seng ibotoh hanima arini pakon panorangni”. (ay.13)

5. Ase domu bani ambilan on, adong piga-piga hal na sihol ipasingat hubanta, aima ;

a. Sebagai halak na porsaya ase totap ma marjaga-jaga, siap sedia das hubani parrohni Tuhan Jesus napaduahalihon. Songon doding na mangkatahon  “…Kau dapati aku tetap setia…” Artini bahasa lang ibotoh hita sadihari roh Tuhan Jesus napaduahalihon, na penting sonaha ma sikapta bani na paimahon parrohNi. Bahat do memang halak sibuk mamingkirhon antigan do rohNi. Sebagai halak na porsaya, lang ai na ipingkirhon hita, tapi sonaha do sikapta na laho mangalo-alo parrohNi. Sikap halak na porsaya na paimahon parrohni TJ lang pasif tapi aktif. Artini, hita lang soh-soh dansa paimahon ai, tapi dengan iman dan kasih yang menyala-nyala na laho mangkorjahon na madear.

 

b. Ada ungkapan mengatakan : “Sesal kemudian tidak berguna”. Panorang  goluhta sonari aima  masa persiapan menanti kedatangan Tuhan.Ulang be itunda laho mambahen persiapan. Hatani Tuhan mangkatahon : “Sadari on, sanggah na binogei nasiam soraNi, ulang ma pamapir nasiam uhur nasiam…” (Heber 3:15). Jangan tunda untuk mengasihi, memaafkan, berbuat baik, berdamai, berhenti melakukan kejahatan. Supaya kita jangan “kelihatannya” saja sedang menantikan saatnya masuk dalam kerajaan surga, namun nyatanya ketika saatnya tiba, kita bukanlah orang-orang yang layak masuk dalam kerajaan sorga yang kekal. Bani Injil Matius 7:21 isobut “seng haganup halak na mangkatahon Bangku Tuhan, Tuhan !, masuk hu harajaon nagori atas ai, pitah na mandalankon harosuh ni Bapangku na inagori atas ai do”. Halani ai, totap ma hita gabe gereja na maruhur, na totap siapa siaga, bani na paimahon parohNi Tuhan Jesus na paduahalihon.Amen

 

Bahan Sibasaon Minggu, 12 Nop  2017 (XXII Dob Trinitatis)

Teks : Amos 5:18-24 Doding:Haleluya 236 : 1,2,4

 

1. Amos aima sada halak humbani parmahan na hun Tekoa (1:1) ampa sipaturei-turei hayu ara (7:14). Tuhan Naibata mandilo, mamilih janah mangutus Amos sebagai Nabi laho padaskon Hatani Naibata hubani bangsa Israel sanggah panorang pamarentahan ni raja  Jerobeam. Bani panorang ai, bahat do parlahou ni bangsa Isarel na lang talup bani Tuhan. Bani keadaan na sonai adong do homa “nabi” na seng be mansahapkon harosuh ni Tuhan, sidea marosuh pitah pasonang-sonangkon pinggol ni raja, halani memang hasomalan ijia sidea marhorja marhitei na ibayar raja. Keadaan na sonin ma na mampangkorhon hageoron bolon bani bangsa ai. Buei ma tumang goluh ni sidea manlembang humbani harosuh ni Tuhan; uhum pe domma ipapeol, idondon do halak na musil, idogei-dogei halak na maetek,magigi do sidea mangidah halak sihatahon na sintong, domma laho sidea manombah gana-gana iBetel sonai age i Gilgal. Bani kondisi na sonin ma idilo Naibata si Amos gabe nabi-Ni na pasingatkon bangsa ai ase pajongjongkon uhum ampa hapintoron.

2. Adong 2 pahara na pinadasni nabi Amos, aima ;

a. Ari ni Jahowa  (ay.18-20)

Nini nabi Amos : “Bursik ma hanima na manghasiholi ari ni Jahowa!  Bani bangsa Israel age hubanta halak na porsaya, mangkaporsayai paboa bani sada panorang, ai roh ma ari ni Tuhan in aima ari na gok malas ni uhur, lang adong be tangis ijai. Tapi sebalikni, nabi Amos padaskon hubani bangsa Isarel, bahwa kepahitan do ari ni Tuhan in. Aima ase isobut nabi Amos, celakalah orang yang menantikan ari ni Tuhan. Halani bani ari ni Tuhan, haganup jolma maningon mempertanggungjawabkon aha na ihorjahonni. Nabi Amos menyerukan “celaka” bani bangsa Israel na lang marubah, na lang manadingkon horja na masambor, anjaha na lang setia bani Tuhan Naibata. Ari ni Tuhan bani na so ra mubah aima hagolapan ampa halotiron, panorang ibagas hasosakan. Ihatahon bani ay.19-20 aima pasal parjanginni ari ni Tuhan, igambarhon songon sada halak na bansah humbani singa, hape roh ulog mamagutsi. Gambaran on sihol pataridahkon paboa anggapanta domma maluah hita, hape lang.

b. Parugamaon ni bangsa ai (ay.21-23)

Ihagigihon Jahowa perayaan parugamaon ni sidea, anjaha tumpuan ni sidea pe seng iharosuhkon Tuhan. Age galangan situtungon ampa galangan sipanganon ni sidea pe domma seng mararti bani Jahowa, galangan pardearan humbani pinahan na pinamombur pe seng be ikawahkon Jahowa. Doding ni sidea pe seng marosuh be Jahowa manangihon, sonai age sorani husapi ni sidea domma ipindo Naibata ase ipadaoh humbani. Marhitei pernyataan on tangkas ma banta na parah tumang ma parlahou ni bangsa ai manlembang humbani dalan ni Tuhan Naibata, na mambahen Tuhan marah janah mangkagigihon sagala galangan ni sidea. Halani haganupan perayaan ni sidea pitah simbolik atap pe sipakulah-kulah. Boi hatahonon haganupan ai pitah menutupi pambahenan ni sidea na lang talup ai.Ritual ibadah yang dilakukan itu tidaklah dengan hati yang sungguh, hanya rutinitas saja.Umat Israel melakukan ibadah kepada Tuhan hanya untuk menutupi kejahatan yang dilakukannya. Ase halak na legan mamuji sidea, anjaha manobut sidea na “rohani”. Naibata mangkagigihon upacara keagamaan na irayahon bangsa Israel halani niat dan tujuan ni sidea beribadah memiliki motivasi na salah.Halani ai, na ipangindo Naibata aima ase ipadear sidea ma pargoluhon ni sidea marhitei “mabaor ma bahen hanima uhum songon bah, anjaha hapintoron songon bah na totap marbanggal (ay.24). Tuhan Naibata manghasiholhon ase ihorjahon bangsa ai keadilan ampa kebenaran itongah-tongah ni pargoluhan ni sidea. Daoh ma namin humbani bangsa ai  parugamaon na marsipakulah-kulah, mandogei-dogei halak na musil, manosak halak parpintor, manjalo sisip,pnl. 

3. Aplikasi 

a. Selaku halak na porsaya, idilo Tuhan Naibata do hita songon nabi Amos na padaskon suara kenabian. Maningon barani ma hita pasingatkon hasomanta ibagas halepakonni, janah ipakei Naibata do hita laho pajongjongkon hasintongan ampa hapintoron i tanoh on.

b. Lang adong na mambotoh antigan panorang parroh ni ari ni Tuhan in. Tapi na pasti, roh do ai. Halani ai, nuan ari paridopan,hargahon hita ma ai marhitei na totap setia huBani, janah hagoluhkon hita ma manggoluh ibagas hapintoron pakon hasintongan. Ulang sompat salpu in,ulang manosal holi dobni. Pakkei ma hitamamakei panorang na ibere Naibata hubanta. Anggo domma roh ari ni Tuhan in, lang adong be panorang laho marubah, sonari ma panorangni laho mereformasi goluhta.

c. Parugamaonta ulang ma  formalitas hansa. Tapi ihasiholhon Tuhan Naibata paboa parugamaonta maningon  taridah do homa humbani pargoluhonta. Sisoya-soya anjaha magigi do Tuhan Naibata mangidah ibadah-ibadahta, anggo lalap do homa hita mardatu, manghatai hasoman, mardomdom, mangodoh-odoh na madoyuk. Bani Jakobus 1:27 ihatahon : “On do parugamaon na borsih anjaha na so adong sihataon bani uhur ni Naibata, Bapa in, ai ma manorih na tading maetek, ampa na mabalu ibagas hamarsikonni, anjaha manjagai diri ulang butak marhitei dunia on”.

 

Bahan Sibasaon Minggu, 05 Nop  2017 (XXI Dob Trinitatis)

Teks : Mika 3:5-12 Doding:Haleluya 142 : 1,2,4

1. Teks ni ambilan banta bani minggu on patugahkon sonaha Naibata marhitei nabi Mika, manlawan horja hajahaton ni dunia on. Bani panorang pangidangion ni Mika, sumber ni hajahaton justru roh humbani pejabat, na marpangkat; baik ai humbani pejabat Negara atap pemerintahan sonai pakon pejabat agama. Ipakei sidea do jabatan ai laho mambuat hauntungan pribadi. Iodoh –odoh do hasoman jolma na legan laho mambuat untung. Sintong do hata namanobut paboa  buei do jolma lang boi gabe jolma dompak hasoman ni jolma. Jongjong do jolma gabe “lawan” bani hasomanni sesame jolma. Anggo domma sonon masa, lang na botoh be, na ija na sintong janah na ija na salah. Halani hapentaran ni jolma in, boi do na sintong ipabalik gabe lang sintong. 

2. Hata ni nabi Mika bani teks ni ambilan on sasintongni itujuhon hubani nabi-nabi ampa pambobai ni Israel. Anggo mangihutkon horjani, sidea on ma na laho padaskon hata “damei” dompak bangsa ai. Tapi hata “damei” na imaksudkon ai justru pitah laho parohkon hauntungan bani diri ni sandiiiri. Anggo lang dapotan nabi ai, justru na legan do na itingtingkon, gariada barita panjahaion na ipadas ni mambahen buei jolma gabe mabiar atap marpusok ni uhur. Ipakei sipambobai parugamaon ni Israel do hajongjonganni laho parohkon hauntungan bani diri ni sandiri. Panjahaion ni sidea pitah laho mamingkiri hauntungon tumang. Marhitei horja na sonin do ase ipadas Mika hubani sidea uhum na sihol pamasaon bani sidea. Gabe lang be marpanonggoran sidea, manggoluh ibagas hagolapan janah lang mampu be laho manjahai. Anggo mangihutkon hajongjonganni, on do sasintongni na gabe tugas utama ni sahalak nabi. Tapi uhum ni Tuhan hubani sidea mambahen gabe lang talup sidea mangkorjahon horjani. Sonai homa pasal pambahenan ni Naibata hubani sidea. Gabe parohkon habadoron  do haganup na ihorjahon nabi-nabi palsu ai. Nini bani ay.7 “Mela ma halak na marpanonggoran, anjaha bador ma halak sipanjahai…” Itadingkon Naibata do sidea. Halak na dob itadingkon Naibata, gabe habadoron do na masa bani goluhni.

3. Mika jongjong sedo pitah laho mengkritik aha na dob binahenni nabi-nabi ni Israel bani panorang ai. Dihut do age pambobai ni Jerusalem gabe tujuan kritik ni Mika. Sasintongni sedo ise na gabe pambobai ni sidea on, ai ginompar ni Jakob do sidea. Tapi agepe sonai, sedo gabe jaminan ai bani sidea laho mambobai bangsa ai ibagas na hinarosuhkon ni Naibata. Ipatugah Mika do pambahenan ni sidea na masambor ai. Ibagas hajahaton do sidea mandalankon tugas ni selaku pambobai ni bangsa ai. Ihagigihon sidea do uhum, ipapeol do sagala na pintor; haganupan on pitah laho pasaudkon harosuhni sidea. Ijalo sisip, upah na lang tiba dalanni. Lobih ni ai, pag ope sidea manobut paboa na itongah-tongah ni sidea do Naibata agepe sasintongni haganup na binahen ni sidea ai gabe hagigi bani Naibata. Lang adong be na boi parohkon hasintongan humbani sidea. Pitah hajahaton do na irencanahon  sidea dompak hasomanni na adong ijai. Sonai ma parahni pambahenanni sipambobai sonai age nabi ampa malim na adong bani bangsa ai. Haganupan on tontu mamuhoi ringis ni Naibata. Ijon do ase ipadas Mika panjahaion ni pasal sidea. Mampangkorhon pusok ni uhur do aha na dob ihorjahon sidea. Halani ulah ni sidea na jahat ai, gabe tinggalaon do Sion songon juma. Sonai homa Jerusalem gabe gugunan batu ampa rumah panumbahan na gabe harangan. Gambaran pasal parsed ni huta ai binahen ni nabi, malim sonai age sipambobai na lang ra manangihon harosuh ni Tuhan. Ipatangkas Mika do hajongjongan ni na laho patugahkon uhum dompak bangsa ai. Agepe anggo bani panorang ai, sada huta na sangap janah buei do jolma marianan I Jerusalem, tapi halani ulah ni nabi, malim ampa sipambobaini bangsa ai gabe maseda do huta ai.

4. Sondahan on, buei do jolma mangaku laho pajongjongkon hasintongan, hadameion ampa uhum. Buei do na mangaku ra berkorban ase na sintong na humbani Naibata idalankon ibagas goluh on. Gariada adong do padan na ipadas ni sidea na laho memperjuangkan hasomanni na ibagas pangodoh-odohon, tapi bani kenyataanni pitah laho mandapotkon hasonangan ni sandiri. Ra do buei halak tartipu anggo mangidah penampilan sonai age gaya  parsahapni sidea. Anggo mangihutkon na hinatahonni nabi Mika, haganupan on pitah halani na lang adong be kuasa ni Tonduy ni Jahowa na laho mambobai hita mangkorjahon harosuhNi. Sedo gabe ukuran pasal ise hita (pemuka agama, sipambobai bani pamarentah, wakil rakyat, pnl), ai boi do haganupan on gabe manadingkon harosuh ni Tuhan, anggo lang marianan be Tonduy ni Jahowabani goluhta. Kritik sosial na ipadas nabi Mika ijon, dihut do gabe kritik hubanta halak na porsaya bani panorang on. Ijalo hita do parentah ampa suruhan humbani Tuhan ase pajongjongkon  hasintongan. Maningon isadari hita do paboa hita do na gabe parhiteian ni Naibata laho mangkorjahon hasintongan sonai age harosuh ni Tuhanta.

5. Bani minggu pesta Bapa, gabe panorang na dear ma on banta sekaligus laho paingatkon haganup bapa ni GKPS ase gabe sipambobai, malim sonai age nabi na ra mandalankon harosuh ni Naibata. Humbanta ma lobei roh ni na madear, ase marhiteihon na sonai ai gabe sitiruon ma hita bani horja na madear, itongah tongah ni keluarga, kuria sonai age masyarakat.

 

Bahan Sibasaon Minggu, 05 Nop 2017 (XXI Dob Trinitatis)

Teks : 1 Tesalonika 2:9-13 Doding:Haleluya 381:1-2

1. Bani ambilan on ipatangkas Paulus do bani kuria Tesalonika pasal aha na dob ongga ihorjahonni hinan hubani sidea. Tarbuka do Paulus laho mangkatahon  pasal halojaon sonai age hasunsahan, arian pakon borngin do sidea marhorja laho padaskon Ambilan na madear in songon na sinobut bani ay.9. 

Buei do resiko sonai age konsekwensi marpardomuan pakon horja pararatkon  hata ni Tuhan. Ijon lambin tangkas ma banta paboa sada horja na madear, lape tontu mintor boi ijalo ibagas na dear. Boi do adong paruntolon ampa sitaronon idompakkon marhitei haganupan ai. Sedo mulus janah dear haganup, agepe sasintongni pitah bahen malas ni uhur ni ampa haluahon ni kuria in do haganupan ai. Pag do Paulus mangkatahon paboa kuria in do na gabe saksi bani haganupan ai. Lang mintor mandolei apostel ai bani horja na sonai. Totap do ibagas na daulat, pintor anjaha seng panurakan parlahou ni sidea dompak na porsaya (ay10). Memang boi do roh kekecewaan anggo mardingat horja na binahenta, hape horja ai sandiri sedo na laho hubanta tapi idompakkon do hamaholon tarlobih roh ni humbani kuria ai sandiri. Iporluhon do toras ni paruhuran sonai age haporsayaon, ase ulang gabe pandoleian horja na laho pararatkon hatani Tuhan. Ipatugah Paulus do ijon sonaha sidea na jongjong songon sada Bapa hubani niombahni.  Ra mangajari, mamodahi, mangojur sagala horja na madear ase dapotan haluahon ma kuria in. Ibagas hasabaron do sidea laho mangkorjahon haganupan ai. Tujuan ni haganupan on, sonaha ase marparlahou kuria ibagas na patut dompak Naibata. Ipatangkas Apostel ai do paboa nabinahenni ai, tujuanni ase ihargahon janah ihamalaskon kuria in ma pandiloon ni Naibata hubani sidea laho masuk hubagas harajaon ni Naibata sonai age bani hasangaponNi (ay.11-12). Ijon do ipatangkas Paulus pasal malas ni uhurni ai paboa haganupan ai sedo horja na soya-soya. Ibagas ai, martarima kasih do Paulus hubani Naibata, halani panjaloon ni kuria Tesalonika bani hata ni Tuhan. Panjaloon ni side ape sedo songon panjaloon bani hata ni jolma, tapi lobih ni ai, gabe hata ni Naibata do ai hubani sidea. Dob ni gabe mampangkorhon do hata in bani goluh ni sidea (ay.13).

2. Humbani perikop ni sibasaonta on, boi marlajar hita pasal aha na talup sibahenon ni halak na porsaya domu hubani na mangajari ampa mangarahkon hasoman na legan ase sirsir dihut bani na manjalo hata ni Tuhan in. Bani teks on taridah do sonaha keteladanan  na dob ibahen Apstel Paulus  dalam rangka laho mangkopkop kuria in. Marpambahenan do ia domu hubani harosuh ni Naibata. Ganup do ihorjahon  apostel ai , sedo dalam rangka motivasi keuntungnan pribadi atap golongan tapi justru pitah bahen haluahon ni na porsaya in. Haganupan on, tontu gabe sada parlajaran na maharga age dompak kuria sonari on. Gabe tanggungjawab ni kuria sondahan on ma laho mangkopkop aha na dob ipungkah ampa na ihorjahon Paulus bani panorang on. Haganup pagori ni kuria masing masing maningon adong tanggungjawab untuk ai. Das do tanggungjawab ai age banta bani panorang on. Sada parlajaran na maharga lkeganni na isobut iatas aima pasal keyakinan ampa haporsayaonni Paulus bani panramotion na binahenni Naibata hubani. Ihaporsayai Paulus on do  paboa horja nabinahenni laho mangkopkop kuria in, pasti ihasomani ampa ipargogohi Tuhan. Umpasa mangkatahon “ilambung ni passa-passa tubuhan ma lapa-lapa.Agepe aha na masa totap ma mangajamkon Tuhan Naibata”. Marlajar humbani Paulus, age bagei hata na ituduhkon hubani, age bagei sitaronon na idompakkonni janah age bahat na lang marosuh mangidahsi halani hata ni Naibata, tapi tongtong do ia marpangajaman bani Naibata. Sonai ma naming hita selaku halak na porsaya. Paulus patugahkon bahasa hata na pinadasni ai lang roh humbani dirini sandiri, tapir oh humbani naibata do, halani ai marhagogohon do hata ni ai bani sagala na manangar. Martin Luther mangkatahon “Dimana Firman Allah diberitakan, disitulah Allah hadir”. Halani ai, bani minggu Bapa on, dihut ma haganup  seksi Bapa na gabe parhiteian ni Tuhan laho pararatkon  hataNi. Jalo hita ma tugas  tanggungjawab bani minggu seksi Bapa on, ase lambin marsangap ma Tuhan marhitei hita.

 

TOTAP MARDALAN BANI DALAN PAKON HASINTONGAN NI NAIBATA

Sibasaon 23 Juli 2017, Pslamen 86:11-17
Doding : Haleluya No.472: 1-2

1. Psalmen bindu 86 on aima tonggo ni si Daud hubani Jahowa Naibata. Bani tonggo on taridah do sonaha ia mangindo pangurupion hubani Tuhanta. Mase gatni ia mangindo  pangurupion? Mangihutkon isi ni tonggo on,lang salah ninuhur nami anggo isobut hita bahasa panorang ai idompakhon si Daud do sada parmaraan na banggal. Songon na dohor ma pangahapni bani hamateian. Bani na sonai ai, idingat ma Tuhan pargogoh na so tarimbang in lanjar martonggo ma ia irik mangindohon ase iramothon Jahowa Tonduyni ( Ind: peliharalah nyawaku,ay.2). Marhitei tonggo ni on lambin tangkas ma homa banta bahasa hajongjongan ni parpsalmen on (Daud) aima sada halak na botul porsaya bani hagogohon ni Jahowa (ay.10). Halani ai do ase taridah do bani tonggoni on haporsayaonni na pitah hubani hagogohon ni Tuhanta Naibata.

ANAK ANAK HARAJAON VERSUS ANAK-ANAK PARJAHAT

Ambilan Minggu,23 Juli 2017, Mateus13:24-30,36-43
Doding : Haleluya No.202:5-6

1. Bani teks ambilan on, Jesus sihol padaskon pangajaran pasal harajaon nagori atas, na ilimbagahon hubani simaromei-omei itongah-tongah ni omei.Bani ay. 36-43, siluk do ipatorang Tuhan Jesus arti ni limbaga ai. Sipanabur omei aima Tuhan Jesus janah na isaburhon aima bonih na madear na marisi Harajaon ni Naibata. Na manabur simaromei-omei aima sibolis na manaburhon hajahaton. Dunia on atau jolma in aima juma ianan panaburan ai. Pangkorhonni tubuh ma omei rap pakon simaromei-omei , artini marsaor ope parpintor pakon parjahat sadokah i dunia on.. Tapi bani panorang pariama isirang ma omei humbani simaromei-omei , omei isimpan hu rumah ni tuanni, tapi anggo simaromei-omei itutung ma hubagas apuy. Panorang pariama martuduh tudu hubani paruhuman simagira. Bani panorang ai parpintor marsinalsal ma songon mata ni ari maksudni gok hamuliaon ampa malas ni uhur sedangkan liang pamurunan aima paruhuman na sadokah ni dokahni ma bani halak parjahat aima sagala sibahen parsangsian ampa sihorjahon na ulang.

Go to top
Template by JoomlaShine