Ambilan & Sibasaon

Ambilan & Sibasaon (187)

HAHOLONGI MA MUSUHMU ! (Ambilan 25 Agustus 2019 Lukas 6 : 27 – 36)

HAHOLONGI MA MUSUHMU !

Ambilan 25 Agustus 2019

Lukas 6 : 27 – 36 

 

1. Adong do tradisi Jahudi domu bani pangajarion ni para rabi (guru) Jahudi bahwa sihaholongan do hasoman diri tapi sihasogamhonon do anggo musuh. Marhitei na sonai populer do bani sidea perbedaan antara  ‘au – ia’, ‘ho – ahu’,  ‘hita – sidea’. Sikap parugamaon na eksklusif (menutup diri) bani kelompak na legan somal do bani hajahudion bahkan lang jarang manguhum-uhumi halak na i luar kelompok ni sidea. 

HASOMANKU DO HAM ! (Sibasaon 25 Agustus 2019 3 Musa 25 : 39 – 43)

HASOMANKU DO HAM !

Sibasaon 25 Agustus 2019

3 Musa 25 : 39 – 43

 

1. Halani keadaan tertentu boi do sasada halak gabe miskin janah untuk mempertahankon goluhni iombouhon dirini hubani halak na legan. Hal na sonon pe  boi do terjadi age bani bangsa ni Naibata bani Padan Na Basaia. Halani ai ibere Naibata do aturan bani sidea (age banta) sonaha bersikap hubani halak na miskin na mangombouhon dirini.

UHUR NA PANTAS MAMBAHEN TORANG AGE NA GOLAP (Ambilan 18 Agustus 2019 1 Raja-raja 5 : 9 – 14 (Bibel) / 1 Raja-raja 4 : 29 – 34 (Alkitab))

UHUR NA PANTAS MAMBAHEN TORANG AGE NA GOLAP

Ambilan 18 Agustus 2019

1 Raja-raja 5 : 9 – 14 (Bibel) / 1 Raja-raja 4 : 29 – 34 (Alkitab)

 

1. Bani na ipangindo Salomo uhur na pantas / hapentaran humbani Naibata (1 Raja-raja 3:9), on pataridahkon pribadi ni Salomo bahwa harganan do bani uhur na pantas atap hauhuron marimbang atap aha pe. Uhur na pantas bani bahasa Heber aima ‘hokma’. Artini hata on lang sekedar hapentaron atau ilmu tapi lobih hunjai aima kemampuan laho mambotoh aha do na madear na iharosuhkon Naibata ; sekaligus kemampuan laho mangkagoluhkon na madear ai janah manimbili haganup na lang madear. Marhitei pangindoan ni Salomo on, ia sihol ase haganup goluh ampa horjani boi romban hubani harosuh ni Naibata. Salomo memiliki prinsip: halak na maruhur sedo anggo boi jolma in pasaudkon rosuhni sandiri tapi anggo rosuh ni Naibata saud bani goluhni do. Halani ai Salomo gabe jolma na mardohar sedo halani ipabanggal-banggal dirini tapi halani ipatoruh do dirini i lobei ni Naibata janah sirsir mandalankon rosuh ni Naibata. Halak na pentar aima anggo tubuh panandaion diri bahwa tanpa pambobai ni Naibata lang mangasup bani haganup horja. Sekaligus memiliki prinsip bahwa pitah Naibata do hansa na boi mangurupi ase ulang tarbador mandompakkon bagei ni tanggungjawab termasuk pergumulan. Halani ai halak na pentar ipadaoh do dirini humbani sagala hajahaton atap rosuh-rosuh ni dunia on.

GOK HALONGANGAN DO DALAN NI NAIBATA (Sibasaon 18 Agustus 2019 Rom 11 : 33 – 36)

GOK HALONGANGAN DO DALAN NI NAIBATA

Sibasaon 18 Agustus 2019

Rom 11 : 33 – 36 

1. Ambilanta on aima sada doksologi (doding puji-pujian) bani Naibata halani habanggalon ampa kuasa-Ni na lang tardoudou, na lang boi iukur habotohon ni jolma. Ipatorang Paulus do on halani buei halak Jahudi panorang ai manganggap haotoon do pasal silang ni Kristus halani manurut sidea lang mungkin Tuhan iparsilangkon halani ianggap hiri do jolma na tarsilang. Lang tararusi sidea rusia ni Naibata marhitei silang ni Kristus. Domu hujin ipatorang do kuasa ni Naibata na lang tararusi jolma: 

a. Bagasni habayakon-Ni. On patugahkon bahwa Naibata do simada haganup na i tanoh on halani Ia do Sitompa haganup. Humbani habayakon ni Naibata do jolma in boi manggoluh. Iparmudu Naibata do jolma

GABE HALAK KRISTEN NA PORSAYA MA ! (Ambilan 11 Agustus 2019 Mateus 8 : 23 – 27)

GABE HALAK KRISTEN NA PORSAYA MA !

Ambilan 11 Agustus 2019

Mateus 8 : 23 – 27 

1. Isiar Tuhan Jesus pakon susian-Ni do buei huta laho patandahon diri-Ni sebagai Mesias Anak ni Naibata marhitei pangajarion age buei tanda halongangan. Sobali mardalan nahei, alat transportasi na somal panorang ai aima kapal/parau. Bani ambilan on ipatugah do na masa sanggah na marparau Tuhan Jesus rap pakon susian hun Kapernaum manuju hu tanoh ni halak Gadara. Tudu sanggah modom Tuhan Jesus, roh ma haba-haba na doras pala ipuhoi sidea Tuhan Jesus janah nini sidea ‘Tuhan, urupi, harom ma hita!’ (ay.25). Marhitei na ipuhoi sidea Tuhan Jesus tangkas ma banta bahwa susian ai domma mabiar tumang janah lang mampu be mengendalihon kapal ai. Pori pe susian ai umumni berlatarbelakang panjala dekke hinan na dob somal menghadapi gilumbang ni tao tapi bani panorang ai sidea lang berdaya halani banggalni gilumbang. Sihol mangajarhon bahwa lang hape tarpangajamhon gogoh, pambotoh, pengalamanta jolma mengatasi ganup persoalan ni goluh on. Peristiwa ai sekaligus pataridahkon bahwa panandaion ni susian pasal Jesus sebagai Tuhan lape seutuhni halani sidea pitah mananda Ia sebagai jolma biasa hansa na ra tarpodom sehingga porlu ipuhoi. Lape iarusi sidea bahwa kuasa ni Tuhan Jesus sebagai Anak ni Naibata lang ongga tarpodom laho manramotkon susian.  

PORSAYA JANAH DALANKON MA HATA NI TUHAN! (Sibasaon 11 Agustus 2019 2 Raja-raja 5: 8 – 14)

PORSAYA JANAH DALANKON MA HATA NI TUHAN!

Sibasaon 11 Agustus 2019

2 Raja-raja 5: 8 – 14 

1. Naeman aima sahalak bala tentera ni halak Aram na ihaholongi tuanni halani marhiteihonsi marhamonangan do halak Aram manaluhon musuh. Tapi i balikni kesuksesan pakon kehormaton na imiliki Naeman ternyata adong do pergumulanni na borat halani sogop do naborit gadam bani angkulani. Gadam ianggap do panorang ai naboritni halak pardosa sehingga maruntol tumang do Naeman halani naboritni ai. Hunjon gabe tangkas banta bahwa haganup jolma adong bei do hape paruntolonni. Lang adong jolma na terlepas humbani masalah. Halani ai haganup jolma mamorluhon topangan humbani Naibata.

PORSAYA MA, ISARIHON NAIBATA DO HITA! (Ambilan 04 Agustus 2019 Habakuk 3 : 14 – 19)

PORSAYA MA, ISARIHON NAIBATA DO HITA!

Ambilan 04 Agustus 2019

Habakuk 3 : 14 – 19 

 

1. Sanggah ibagas hasosakan do bangsa ni Naibata panorang ni nabi Habakuk halani bangsa sipajuh begu-begu na mangodoh-odoh sidea. Pala do tubuh anggapan ni sidea na lang peduli be Naibata halani borat ni sitaronon (Hab.1:2-3). Domma homa tubuh kesimpulan bani sidea bahwa pitah paima-imahon hamagouan mando halani lang  mampu be bertahan janah lang adong be sipangurupi (ay.14-16). Bani ambilan on Habakuk mambere jawaban bani bangsa ai bahwa Naibata pasti do bertindak, lang ipaturut Naibata sidea torus marsitaronon. 

TONGTONG MAMAKEI KACA MATA ‘HATA NI TUHAN’ (Sibasaon 04 Agustus 2019 1 Tesalonika 4 : 13 – 18)

TONGTONG MAMAKEI KACA MATA ‘HATA NI TUHAN’ 

Sibasaon 04 Agustus 2019

1 Tesalonika 4 : 13 – 18 

 

1. Hamateian merupakan sada misteri halani lang adong jolma na mambotoh panorangni sadihari ia matei janah sonaha do jolma na dob matei. Secara umum ipahami bahwa hamateian aima masa akhir sejarah ni sasada halak. Halani ai hamateian ipahami do homa sebagai panorang parsirangan pakon hasoman, keluarga na tading sehingga tubuh tangis ampa pusok ni uhur.

NAIBATA PABORHATKON BANI GANUP HORJA (Ambilan 28 Juli 2019 Panguhum 7 : 2 – 9)

NAIBATA PABORHATKON BANI GANUP HORJA

Ambilan 28 Juli 2019

Panguhum 7 : 2 – 9 

1. Gideon aima sahalak na marugas sebagai panguhum (hakim) bani bangsa Israel. Sebagai panguhum, sekaligus do ia sebagai pemimpin halani bani panorang ai lape adong ipabangkit raja bani Israel. Ia ma na patugahkon hasintongan na domu hubani hata ni Naibata bani bangsa ai. Iutus Naibata do Gideon paluahkon bangsa Israel humbani pangodoh-odohon (penindasan) ni halak Midian na manrampas arta ampa hasil juma ni sidea pala sampai musil bangsa Israel ibahen halak Midian panorang ai (Pang. 6:6).

SINJATA PARTONDUYON (Sibasaon 28 Juli 2019 Efesus 6 : 10 – 20)

SINJATA PARTONDUYON

Sibasaon 28 Juli 2019

Efesus 6 : 10 – 20 

 

1. Porang ampa sinjata merupakan dua hal na selalu terkait. Tanpa perlengkapan sinjata maka kemungkinan monang bani parporangan semakin kecil. Halani ai mutlak do jolma memperlangkapi diri bani sinjata ase ulang talu sanggah roh munsuh. Berbicara tentang porang gati do mintor tertuju pingkiranta hubani perang fisik na iperlengkapi sinjata bodil, meriam, bom, pnl. Banta halak na porsaya adong ope bentuk parporangan aima porang partonduyon aima marporang manlawan kuasa-kuasa ni dunia atau sibolis na sihol parsedahon goluhta. Sibolis selalu berusaha ase itundalhon hita haluahon na dob ipasirsir Tuhan Jesus ; Ase itadingkon hita hata ni Tuhan janah ase mardalan hita bani rosuh ni sibolis ; Ase itundalhon hita Tuhan bani na mamparayak sura-sura janah ase galek janah mandolei hita sanggah roh sitaronon. Sibolis selalu berupaya dengan tipu daya manirang hita humbani Naibata. Umumni sibolis selalu menawarhon rosuh pardagingon songon na ongga homa ibahen sibolis laho manlajou Tuhan Jesus marhitei tawaran sipanganon ampa kuasa (Mat. 4:1-11).

Go to top