2. Iakuhon Paulus na marhasungkupan do ia bani horja parambilanon halani panumpakion ampa holong ni kuria ai (ay.18). Selanjutni ipatoguh Paulus do kuria Pilipi marhitei hasaksianni bahwa sasintongni ia pe lang ongga tarlanglang padaskon Ambilan Namadear age ibagas na marhahurangan. Iakuhon Paulus bahwa horja parambilanon ningon do torus ihorjahon bani keadaan na marhasungkupan atap marhahurangan halani domma iguruhon mangkadearhon na adong (ay.11), janah iakuhon tarhorjahonsi do haganup marhitei Tuhan na margogohi ia (ay.13). Paulus mangajarhon bahwa na utama na maningon imiliki bani horja parambilanon sedo sarana atau dana tapi uhur na porsaya do. Pori pe sukkup sarana, dana tapi anggo lang porsaya boi do lang sirsir sipardihut bani horja ni Tuhan. Halani ai Paulus memiliki prinsip, maningon marguna ia bani Tuhan pakon jolma bani ganup keadaan. Usih songon biak ni kuria Pilipi bahwa sedo halani na marlobih-lobih sidea ase marsibere-bere, sonai do homa prinsip na imiliki Paulus, maningon ihorjahon parambilanon age sanggah marhasungkupan ampa marhahurangan. Marhitei hasaksian on iarapkon Paulus do ase biak na madear na adong bani kuria Pilipi boi torus bertumbuh.
3. Selanjutni ipatugah Paulus do bahwa horja panumpakion ni kuria ai gabe galangan na misbou do ai i lobei ni Naibata janah doskon na manggalang ampa martarimakasih hubani Naibata do ai (ay.18). Lang hape ongga sisoya-soya horja panumpakion bani horja ni Tuhan. Malas do uhur ni Naibata anggo marbuah haporsayaon ni kuria marhitei na mangondoskon galanganni. Halani ai itandaskon Paulus, ‘Tapi gokan ni Naibatangku do sagala na porlu bani nasiam’ (ay.19). Maksudni, sedo halani na marhahurangan Naibata ase porlu manumpaki horja parambilanon halani Ia do harohan ni haganup. Halani ai manumpaki horja ni Tuhan maningon imotivasi uhur na martarimakasih do. Marsibere-bere atau manumpaki horja parambilanon sedo untuk kesombongan atap halani motivasi atau maksud tertentu tapi ningon pitah bahen hasangapon ni Naibata (ay.20). Domu hujin porlu jaga ase ulang sangapan use ibahen ‘gareja’ jolma na manumpaki dari pada Naibata, jangan mencuri kemuliaan nama Tuhan, jangan pernah memperilah manusia. Bani horja i kuria ulang ma ibahen Tuhan gabe tokoh sampingan tapi maningon tokoh utama do.
4. Refleksi
a. Anggo domma bayak hita bani haporsayaon, malas do uhurta sipardihut bani horja ni Tuhan domu hubani pasu-pasu na ibere banta bei. Tapi pori pe bayak bani arta anggo miskin do bani haporsayaon, on ma na gati beralasan janah mandaoh-daoh anggo adong situmpakan bani horja i kuria. Anggo domma bayak bani haporsayaon, bayak do homa hita bani holong ampa horja na madear.
b. Anggo gati hurang dana pendukung pelayanan i kuria halani aha do ai? Halani na hurang do pasu-pasu ni Tuhan ijalo pagori ni kuria atap halani na miskin ope haporsayaonta? Porlu pakkei halani kwalitasta jolma i lobei ni Tuhan sedo itontuhan sadiha arta na ipatumpu hita tapi sonaha hita mamakeihon pasu-pasu ni Tuhan na ijalo hita do.
c. Horja parambilanon torus ope mardalan paima parroh ni Tuhan Jesus padua-halihon. Haganup do hita idilo bani horja in domu hubani talenta na adong banta bei. Ulang be marsidalian tapi hobas ma halani horja na sangap janah martuah do anggo ipatalup Naibata ope hita sipardihut bani horja-Ni. Ulang marsidalian tapi ganup ma hita marmalas ni uhur sipardihut bani horja ni Tuhan bani panorang na marhahurangan age marhasungkupan.
d. Bani haganup horjanta na madear i kuria, keluarga ampa masyarakat ulang ma in gabe gijang ni uhur tapi bahen hasangapon ni Naibata ma.
e. Haleluya No. 299 : 1 – 3