HOLONG DO URAT NI PARRUMAHTANGGAON (Ambilan 03 Nopember 2019 Epesus 5 : 22 – 33)

HOLONG DO URAT NI PARRUMAHTANGGAON

Ambilan 03 Nopember 2019

Epesus 5 : 22 – 33 

 

1. Tontu malas do uhur anggo pasu-pasu na ijalo hita surung humbani na legan. Tapi gati on patubuhkon gijang ni uhur janah tubuh sikap paetek-etekkon hasoman. Sasintongni anggo lobih ijalo hita sibere-bere mararti do ai lambin surung homa tanggungjawabta halani statusta aima sebagai penatalayan atap na mengelola sibere-bere ni Naibata do. Hita jolma pe surung do itompa Naibata marimbang tinompa na legan halani itompa do hita usih hubani rupa ni Naibata (imago dei). Hasurungan ai lang terlepas humbani tanggungjawab manramotkon haganup tinompa na legan bahen hasangapon ni Naibata. Usih sonai do age paramangon ampa parinangon bani rumah tangga. Marbeda do sidea tapi perbedaan ai sedo mengarah hubani kuasa tapi hubani tanggungjawab do.  

2. Bani 1 Musa 2:18, takkas do ipatugah bahwa tujuan ni parrumah-tanggaon nini: ‘seng dear jolma in punjung, Hubahen ma bani sada pangurupi gabe parangguanni’. Hunjon tangkas bahasa tujuan ni parrumahtanggaon ibahen Naibata aima ase saling mangurupi atau mangkaholongi sidea. Marhitei na sonin ma boi gabe saparangguan, artini: saling melengkapi, saling menopang ampa marsipatorsa-torsaan. 

 

3. Hubungan ni paramangon pakon parinangon ipausih do hubani hubungan antara Kristus pakon kuria. Kristus sebagai Ulu ni kuria, sonai ma peran ni paramangon sebagai ulu / kepala bani parinangonni. Tapi ‘ulu’ ijon lobih patugahkon tanggungjawab sedo kuasa. Songon Kristus na patalarhon tugas pakon tanggungjawab-Ni sebagai Mesias sirsir mangondoskon diri-Ni mangkopkop kuria, sonai ma homa paramangon ningon sirsir berkorban demi mangkaholongi parinangonni (ay.25-27). Marhitei Kristus gabe harga, sangap do kuria in i lobei ni Naibata, sonai ma homa paramangon marhitei kehadiranni ningon boi gabe sangap, tunggung janah hormat parinangonni. Sibere-bere ni Naibata do status sebagai paramangon, halani ai sibere-bere ai maningon ipataridahkon marhitei tanggungjawab mangkaholongi parinangonni. Bahkan paramangon maningon mangkaholongi parinangonni doskon dirini (ay.28). Mangkaholongi doskon dirini mararti mangkaholongi ibagas porlu ni uhur, sedo asal-asalan. Hata ni Tuhan mangkatahon tugasta do mangkaholongi haganup (Mat.22:39), apa lagi ma parinangonni na gabe dagingni sandiri wajib do ia mangkaholongi. Lang ongga ibere Naibata hak bani paramangon laho manrisai, marepes ni uhur ampa marsogam hubani parinangonni tapi laho mangkaholongi do (ay.29). 

 

4. Sebagai na dob ihopkop ampa ihaholongi Kristus, maka kuria in idilo do homa laho pasangapkon Kristus. Sonin ma homa tanggungjawab ni parinangon, nini: ‘nasiam parinangon, balosi nasiam  ma paramangon nasiam, songon pambalosi nasiam bani Tuhan’ (ay.22). Songon kuria ningon pasangapkon Kristus, sonai ma homa parinangon berkewajiban pasangapkon paramangonni. Pasangapkon Kristus sedo ibagas na tarpaksa tapi ibagas malas ni uhur do, sonai ma homa parinangan pasangapkon paramangonni sedo ibagas na tarpaksa tapi ibagas holong ampa malas ni uhur do. 

 

5. Bani ayat 31 isobut ‘halani ai tadingkonon ni dalahi do bapani ampa inangni, laho mangkasomani parinangonni, anjaha gabe sada daging do sidea na dua’. Orangtua do na paling dohor hubani sasada halak paima marrumahtangga. Tapi nini, dob marrumahtangga tadingkononni do bapani ampa inangni. Ayat on sedo imaksudhon bahwa lang porlu be mangkaholongi orangtua anggo domma marrumahtangga, tapi sihol patugahkon keagungan ni hasadaon bani parrumahtanggaon itompa Naibata do na lang boi iparguro-gurohon. Artini, sedangkan mangkaholongi orangtua lang boi iparlanseihon, apalagi ma use mangkaholongi paramangon atap parinangonni, lang boi beralasan atap halani aha pe gabe lang marsihaholongan halani domma sada daging sidea. Sebagai na dob sada daging tontu orangtua ni paramangon maningon ianggap parinangon homa sebagai orangtuani pakon sebalikni.  

 

6. Refleksi

a. Holong do urat ni parrumahtanggaon. Holong mararti sirsir berkorban sedo pitah untuk dirini tapi dihut hubani parinangon atap paramangonni. Parrumahtanggaon maningon irawat dengan cara riap marsihaholongan domu hubani hata ni Tuhan.

b. Perbedaan status antara paramangon pakon parinangon sedo bertujuan laho marsipaetek-etekan atau merasa ia siharganan tapi lobih mengarah hubani tanggungjawab do. Untuk membangun rumah tangga iporluhon peran bersama suami-istri, tapi rumahtangga menjadi rapuh anggo sada gelah humbani sidea na lansei bani tanggungjawabni.

c. Anggo ipausih hubungan ni paramangon pakon parinangon hubani hubungan antara Kristus pakon kuria, mararti do ai pansing do parrumahtanggaon ni halak Kristen. Hapansingon ai maningon totap ijaga marhitei na riap sipambalosi hubani Tuhan janah riap lambin marbanggal ibagas holong.

d. Haleluya No.  105 : 1 – 3 

Read 5613 times

151 comments

Leave a comment

Make sure you enter all the required information, indicated by an asterisk (*). HTML code is not allowed.

Go to top