2. Mase porlu unduk hubani pamarentah? Halani pamarentah pe juak-juak ni Naibata do (ay.4). Tugas ni pamarentah secara tandas isobut laho mambahen na madear hubani rakyatni halani sidea pe marharohan humbani Naibata do (ay.1). Sebagai juak-juak, pamarentah pe maningon do tunduk bani Naibata halani Naibata do na mangondoskon jabatan ai bani sidea. Artini, pamarentah dihut do ipakei Naibata mamboan hadearon i tanoh on (bd. raja Salomo sebagai kepala pemerintahan ni Israel tapi sekaligus do homa ia tunduk hubani Naibata bani na mandalankon tanggungjawabni sebagai raja). Domu bani pangarusion na sonin maka kuria hadir sebagai mitra ni pamarentah  marhitei sipambalosi bani aturan termasuk tanggungjawab mambayar balasting (ay.6-7). Sebagai warga Negara ulang gabe partolsuon tapi ningon gabe sitiruon bani na madear. Artini, kehadiran ni na porsaya ningon dihut pahampungkon horja ni pamarentah laho pajongjongkon hasintongan, hadameion ampa malas ni uhur. Sipambalosi mararti mendukung age marhitei sikap kritis laho paingatkon ampa manonggohon pamarentah ase totap mardalan ibagas hasintongan. Hatahonon ma, bertanggungjawab sebagai warga Negara merupakan hataridahan ni haporsayaon hubani Tuhan do ai halani pamarentah pe dihut do ipakei Naibata patalarhon harajaon-Ni laho manramotkon halak na porsaya ampa ganup jolma. Domu hujin itandaskon bahwa na manlawan aturan ni Naibata do na manlawan pamarentah (ay.2).

3. Ipertegas use bahwa warga Negara na manlanggar aturan mabiar do bani pamarentah tapi na sirsir mandalankon aturan ampa tanggungjawabni mandapot puji-pujian do. Artini, Naibata lang hadir gabe pembela hubani halak na manlanggar aturan tapi sebalikni Naibata domma mambere izin atau hak hubani pamarentah laho manguhum halak na marsalah. Halani ai ulang ma gabe sipinsangon halak na porsaya sebagai warga Negara. 

4. Domu hubani status ni pamarentah sebagai juak-juak ni Naibata, anggo tubuh hadearon ampa  kesejahteraan marhitei horja ni pamarentah maningon ipahami bahwa ai pe marsumber humbani Naibata do halani Naibata do na pabangkithon pamarentah. Artini, pamarentah berhak untuk ihormati janah ibalosi tapi anggo sipujion ampa sipasangapon pitah Naibata do. Ulang gabe iparnaibata use pamarentah halani sidea pe berstatus sebagai juak-juak ni Naibata do. Pamarentah maningon iidah sebagai juak-juak ni Naibata na maningon ihormati, ibalosi, itonggohon bahkan anggo lepak ipaingat ibagas na ber-etika sebagai pemimpin na ipabangkit Naibata. Ase marhitei pambalosion hubani Naibata do isuruh na porsaya in unduk hubani pamarentah, artini: maningon do totap memiliki prinsip: balosan hubani Naibata dari pada hubani jolma (Lah. 5:29).

5. Refleksi

a. Sebagai warga Negara, hita pe dihut do iutus gabe garam pakon panondang i dunia on. Hal on ipataridahkon hita marhitei status sebagai warga Negara na bertanggungjawab mematuhi aturan na adong. Dalankon hita ma aturan ni pamarentah sedo halani tarpaksa tapi halani pambalosionta hubani Naibata ma. Tugasta do homa manonggohon pamarentah ase ibagas na sintong-sintong sidea pajongjongkon hasintongan. Bahkan sebagai warga Negara, gereja maningon do secara kritis dihut menyuarakan hasintongan marhitei cara-cara na legal. 

b. Hubani kurianta na bertugas sebagai aparatur ni pamarentah pe ningon do homa menyadari bahwa kehadiranni sidea bani horja ai aima sebagai juak-juak ni Naibata. Halani ai ulang ma ihorjahon na lang suman demi kepentingan pribadi tapi totap ma berusaha memberikan yang terbaik untuk kepentingan ni haganup rakyat.

c. Bani alam demokrasi na ija rakyat berperan memilih pemimpin ni Negara hun tingkat desa das hu pusat, ambilan on mangojur hita ase secara bijak ma mamakei hak pilihta marhitei na mamilih pemimpin na sintong-sintong memiliki pribadi na sirsir mengabdi untuk hadearon ni negara. Ulang ma halani ‘batu demban’ (money politic) gabe tergoda hita mamilih na lang tulus mengabdi, gabe dihut hita mengorbanhon kepentingan ni Negara atau rakyat na lobih banggal. Ningon isadari hita bahwa Naibata do na mambere hak banta untuk memilih sehingga maningon do homa ipartanggungjawabkon hita hak pilihta ai i lobei ni Naibata. Gabe perenungan do homa on age i kuria bahwa sangat tragis tumang anggo pemilihan bani pemimpin i gereja pe terjadi ma ‘bagi-bagi duit’ demi mandapot suara. Na manlawan Naibata do sikap na sonai ai. 

d. Haleluya No.  401 : 1 – 3