Print this page

HAHOLONGI MA MUSUHMU ! (Ambilan 25 Agustus 2019 Lukas 6 : 27 – 36)

HAHOLONGI MA MUSUHMU !

Ambilan 25 Agustus 2019

Lukas 6 : 27 – 36 

 

1. Adong do tradisi Jahudi domu bani pangajarion ni para rabi (guru) Jahudi bahwa sihaholongan do hasoman diri tapi sihasogamhonon do anggo musuh. Marhitei na sonai populer do bani sidea perbedaan antara  ‘au – ia’, ‘ho – ahu’,  ‘hita – sidea’. Sikap parugamaon na eksklusif (menutup diri) bani kelompak na legan somal do bani hajahudion bahkan lang jarang manguhum-uhumi halak na i luar kelompok ni sidea. 

2. Domu bani pangarusion na sonin ma Tuhan Jesus mangajarhon pangajaran na sangat bertolak-belakang bani paham hajahudion, nini: ‘Haholongi nasiam ma munsuh nasiam, na madear ma bahen nasiam bani na marsogam ni uhur bani nasiam. Pasu-pasu nasiam ma na mamurai nasiam, tonggohon nasiam ma na mandoruni nasiam. Anggo  adong na mamastap huyummu, tarehon ma na salopah nari; anjaha anggo ibuat hioumu (mantel), ulang engkar age baju-bajumu’ (ay.27-29). Pangajaran on paingatkon kuria bahwa lang ongga ibere Tuhan hak bani jolma laho mambalas tapi mangkaholongi do. Halak na sintong mananda Naibata aima na sirsir mangkaholongi haganup jolma termasuk munsuhni. Paurahkon pangarusion pasal on iperbandingkon Tuhan Jesus do kuria in hubani pardosa, bahwa anggo pitah mangkaholongi halak na marholong ni uhur bani do hansa, parjahat/pardosa pe sonai do ihorjahon (ay.32-34). Ase tergolong hubani pardosa ope anggo pitah hasomanni hansa ihaholongi.

3. Sikap lang mambalas hajahaton ni na legan sedo mararti bahwa siirikkon Tuhan Jesus setuju hubani sikap ni halak pardosa. Tapi hal on sihol mangajarhon konsistensi pasal sikap hakristenon na lang boi mubah age sanggah ibahen halak na jahat bani sidea. Siirikkon Tuhan Jesus lang boi terkontaminasi gabe mangkorjahon dosa ketika halak na legan mangkorjahon dosa. Sikap lang mambalas hajahaton sekaligus gabe cara ni kuria patandahon bahwa siparholong do Tuhan ni sidea, artini:  holong aima sada horja marsaksi. Lang mambalas hajahaton bertujuan laho menyadarhon halak parjahat ase itanda sidea Tuhan in marhitei goluh ni na porsaya. Ase marhitei holong do homa na porsaya manaksihon Tuhan hubani dunia on. Halani ai alamat ni holong ningon menjangkau haganup jolma tanpa membeda-bedahon hasoman atau musuh. 

4. Na mendorong atau na memotivasi halak na porsaya lang mambalas hajahaton aima halani parholong do Tuhan Jesus sehingga siirikkon Ia pe memiliki sifat atau pribadi siparholong do homa. Dasar marholong atau lang mambalas aima halani domma parlobei iakuhon/ijalohon holong na humbani Tuhan. Jadi marholong aima bukti kesetiaan hubani Tuhan. Holong ni Tuhan ai do merobahkan pola hidup ni kuria gabe jolma siparholong. 

5. Selanjutni ipatugah Tuhan Jesus do ulih sijaloon ni halak siparholong, gabe isobut do sidea ‘anak ni Sitimbulan in’ (ay.35). Anak ni Sitimbulan in artini gabe anak i lobei ni Naibata. Isobut sebagai anak ni Sitimbulan in halani domma terpancar humbani goluh ni kuria sifat ni Bapa aima siparholong ampa paridop ni uhur (ay.36). Sebagai anak dihut ma parrupei bani arta ni Bapa aima haluahon ampa hasangapon. Pori pe dunia on manobut sidea halak na oto halani lang mambalaskon hajahaton, tapi i balik ni ai domma adong hasangapon na gabe rupei ni sidea.  

6. Refleksi

a. Adong tolu kelompok ni jolma pasal holong aima: Mambalaskon holong ni hasoman marhitei hajahaton ; anggo bujur hasomanni baru bujur ia tapi anggo na jahat ibahen hasoman ibalaskon do homa marhitei hajahaton pakon jolma siparholong hubani haganup termasuk na mangkorjahon hajahaton hubani. Pareksa hita bei ma dirinta atap bani kelompok na ijahanin hita. Tapi halak na porsaya aima jolma na totap memiliki jati diri siparholong na lang bergantung hubani sikap ni halak tapi halani pambalosion hubani Tuhan do. Mangkorjahon na jahat hubani na legan aima biak ni sibolis, mangkorjahon na madear pitah hubani hasomanni tumang aima biak ni dunia, tapi mangkorjahon na madear hubani haganup termasuk munsuhni aima biak ni kuria atap na porsaya.

b. Sirsir marholong halani bertumbuh relasi na intim pakon Tuhan. Semakin terbangun relasi na intim pakon Tuhan, lambin taronjar do uhurta marholong. Tubuh pangarusion bahwa Tuhan do na mambere gogoh ampa kesempatan banta mangkorjahon holong. Ase tarimakasihkon hita ma anggo ibere Tuhan ope kesempatan banta mangkaholongi halak na legan termasuk musuhta. 

c. Mangkorjahon holong dihut do ai sebagai caranta manaksihon Tuhan Siparholong.  Cara mangajar parjahat sedo marhitei na mambalas hajahatonni tapi marhitei horjanta na madear do halani doskon na pajongjong narnar do ai bani uluni sidea (Roma 12:20b). Bani 1 Petrus 3:9 pe isobut do bahwa gabe teanonta do pasu-pasu ; Atau pasu-pasu do ai banta anggo lang ibalaskon hita hajahaton ni halak. Halani ai ulang iparontihon hita mangkorjahon holong pori pe lang mintor irespon halak secara baik holongta ai bahkan boi sebalikni use.

d. Marhitei goluhta do ibotoh janah itanda dunia on ise do Tuhan na ihaporsayai hita. Anggo hita peduli janah parholong, gabe ibotoh dunia on ma Parholong do Tuhanta ai. Ulang ma ipahiri hita goran ni Tuhan marhitei goluh ampa parlahounta na lang suman.

e. Marhitei kemajuan teknologi informasi, misalni melalui facebook lambin dohor do na sada hubani na legan, lambin urah marsitandaan pakon tukar informasi. Tapi na gati terjadi justru lambin daohni do use na sada bani na legan ibagas holong halani gati terjadi saling menghujat, menyerang bahkan gati mambere komentar na miring pori pe lape tangkas ibotoh aha do na terjadi na sasintongni. Ujungni na bertumbuh lang be holong tapi kebencian ampa parmusuhon do use. Halani ai lambin pakkei ma hita mamakei sarana media sosial nuan on.

f. Haleluya 137 : 1,4,6

Read 1370 times