2. Perobahaan status ai dihut do merubah sifat atau tabiat ni na porsaya. Secara tandas isobut Tuhan Jesus, ‘Anggo ihorjahon hanima titah-Ku, marianan ma hanima ibagas holong ni uhur-Hu’ (ay.10), selanjutni bani ay.12 isobut ‘On ma titah-Ku, ase marsihaholongan hanima samah hanima, songon Ahu na mangkaholongi hanima’ ; ‘Huan-Ku ma hanima, anggo ihorjahon hanima na hutitahkon in bannima’ (ay.14). Hata holong na ipakei bani ambilan on aima agape. Hata agape memiliki makna holong na murni janah tulus, lang manuntut balas. Halani parholong do Naibata maka na porsaya in pe sebagai huan-huan ni Naibata parholong do homa, atau: biak ni Naibata Siparholong ai terpancar do bani goluh ni na porsaya. Domu hujin piga-piga catatan:

a. Mangkaholongi jolma na legan lang bergantung hubani ise ia, sonaha sikapni tapi domma gabe biak na baru na lang bergantung bani situasi ampa kondisi. 

b. Mangkorjahon holong lang halani na terpaksa tapi domma gabe horja malas ni uhur. 

c. Malas ni uhur bani na porsaya lang be pitah ketika ia ipedulihon, diperhatikan tapi ketika ia ipakei Naibata untuk mampardiateihon hasoman do homa.

d. Malas ni uhur bani na porsaya lang be pitah ketika ia boi patumpuhon untuk dirini tapi ketika ia memiliki kesempatan untuk mambere bahkan berkorban untuk halak na legan do homa.

e. Ihorjahon do holong ai sebagai ucapan syukur janah pasangapkon goran ni Naibata, sedo untuk kesombongan atau pabanggal-banggal dirini.  

3. Ase goluh ni na porsaya lang pitah manjalo haluahon tapi ipabangkit do homa mamparbuahkon haporsayaon aima holong. Halani ai tujuan hidup ni na porsaya lang pitah untuk menikmati dunia tapi dihut do mamakei na adong bani laho mangkaholongi hasoman. Marhitei na mangkaholongi, ijai do lambin ipasirsir Naibata pasu-pasu-Ni. Nini ‘Ase ibere bannima sagala sipindoonnima humbani Bapa in marhitei goran-Ku’ (ay.16). Ternyata ketika lang sirsir jolma in marsihaholongan ijai ma homa terganggu pangindoan atau tonggo ni sidea bani Naibata. Ase horja mangkaholongi sedo horja na merugikan tapi na menguntungkan do. Hatahonon ma, relasi ni na porsaya hubani hasoman jolma lang boi ipisahkon humbani relasi pakon Naibata. Anggo terganggu relasi ni sidea pakon hasoman jolma, terganggu do homa relasi ni sidea dompak Naibata.

4. Refleksi

a. Holong do rimpun ni haganup titah ampa hata ni Naibata. Siparholong merupakan ciri utama goluh ni halak Kristen. Anggo taringat halak na legan pasal hita (mis. suami, anak, mertua, pnl.) kira-kira terkesan do bani sidea horja  holongta atau sebalikni do na berkesan bani sidea?

b. Bani keadaan dunia na lambin materialis, egois, halak na porsaya iutus memberi warna na baru, bani keadaan na sonai ma hita iutus Naibata hadir mamparbuahkon haporsayaonta.

c. Halak na bayak lang pitah iukur humbani sadiha na ipatumpu untuk dirini tapi sadiha na ibere humbani dirini hubani halak na mamorluhon pangurupionni do.

d. Kira-kira na ija do malasan uhurta marhasoman pakon halak na sirsir mangurupi hita marimbang marhasoman pakon halak na mangarapkon pangurupionta? Malas ni uhur ma banta anggo boi gabe tarsirom halak na tangis marhitei goluhta. Ulang sebalikni gabe tangis halak na legan halani hita.

e. Mamparbuahkon haporsayaon atau marholong lang pitah iukur secara materi tapi domu hubani aha na adong banta bei do. Anggo ibere banta pinggol, sirsir ma manangar keluh-kesah ni halak na marsitaronon. Ulang ma pitah sirsir patugahkon sitarononta tapi hurang sirsir manangar ampa mamparuhurhon sitaronon ni halak na legan.

f. Anggo hita pe lalap do gobir bani na masa banta, sonaha ma hita boi peduli hubani halak na legan? Iporluhon sikap bersyukur bani keadaanta bei ase boi hita terbuka mangkaholongi hasoman.

g. Haleluya No. 348 : 1 – 3.