GOGOHAN DO NAIBTA MARIMBANG HAGANUP, TANGIHON MA IA ! (Sibasaon 03 Maret 2019 Josua 5 : 13 – 15)

GOGOHAN DO NAIBTA MARIMBANG HAGANUP, TANGIHON MA IA !

Sibasaon 03 Maret 2019

Josua 5 : 13 – 15

1. Josua sebagai pengganti kepemimpinan humbani Musa memiliki pribadi na marhabiaran bani Naibata. Pengalamanni sanggah juak-juak ni si Musa dihut membangun haporsayaonni bani Naibata. Josua mewarisi kepemimpinan ni Musa na marhabiaran bani Naibata. Paima ambilan on Josua memimpin pesta paskah i Gilgal mardingat holong ni Naibata na paluahkon sidea hun Masir janah isunat do ganup bangsa na tubuh i pardalanan sadalan hubani parentah ni Naibata. Parsunaton memiliki arti paborsihkon, papansingkon. On ma mambahen Josua berhasil mambobai Israel masuk hu tanoh Kanaan.

2. Bani ambilan on ipatugah do na ipatalar Naibata diri-Ni bani Josua dohor huta Jeriko marhitei bala ni Jahowa (ay.13). Bani mungkahni lang itanda Josua ia. Halani ai do ase isungkun: ‘Hasoman do Ham barang imbang?’ (ay.13). Sungkun-sungkun on sangat wajar halani sepanjang pardalanan ni halak Israel torus do sidea mandompakkon musuh. Ipatandahon bala ai do dirini bani Josua: ‘pambobai bala ni Jahowa do Ahu, ai pe ahu roh’ (ay.14). Hatahonon, Naibata do na patalarhon (patandahon) diri-Ni ase boi itanda Josua. Artini, Josua lang mampu mananda Naibata anggo humbani dirini. Maksudni, ganup proses i pardalanan pakon keberhasilan ni bangsa Israel kaluar hun Masir murni inisiatif atau horja ni Naibata. Naibata do na manopot ampa paluahkon bangsa ai. Bahkan Naibata domma parlobei hadir bani dalan na laho ibolus bangsa ai aima perbatasan Jeriko.

3. Dob ipatandahon bala ai dirini, manrogop ma Josua. Sikap manrogop pataridahkon sikap hormat janah siap manangihon atur / hata na humbani Naibata. Josua sadar bahwa tanpa kehadiran ampa campur tangan ni Naibata lang margogoh ia mambobahon bangsa ai. Tugas na borat na sedang iemban Josua akan berhasil anggo Naibata hadir na mambobahon. Josua hanya berperan sebagai juak-juak na sirsir mambalosi komando / atur ni Naibata. Halani ai ihatahon Josua do ‘Aha do na sihol hatahonon ni Tuhanku bani juak-juak-Ni?’ (ay.14). Josua siap manangihon parentah na humbani Naibata. Josua sedo pemimpin na sombong, na arogan na mengambil keputusan pitah mardasarhon gogoh ampa pingkiranni, tapi memiliki tipe pemimpin na sirsir ipimpin Naibata, pemimpin na martoruh ni uhur i lobei ni Naibata. Haganupan tindakan ni Josua hubani bangsa ai sebagai na ipimpin, selalu idasari hubani pambalosionni hubani Naibata.     

4. Iidah Josua do Bala ai manjolom-jolom podang na sinintak ibagas tanganni (ay.13). On sihol patugahkon bahwa Naibata do na marporang bani Israel laho manaluhon haganup munsuh. Munsuh na banggal pe lang berkutik i lobei ni halak Israel halani ukuran keberhasilan sedo humbani gogoh ni sidea tapi halani kuasa ni Naibata do. On sihol patoguhkon uhur ni Josua pakon bangsa ai halani sihol bottason ni sidea ma kota Jeriko sebagai pintu masuk hu tanoh Kanaan na terkenal dengan tembok na sangat kokoh ampa bala tentera na gogoh sonai age sihol dompakonon ni sidea ma bangsa-bangsa na adong i tanoh Kanaan. Parlobei do ipatoguh Naibata uhur ni Josua sebagai pemimpin ase mampu ia homa patoguhkon uhur ni bangsa ai. Keteguhan hati ampa haporsayaon ni sahalak pemimpin sangat mempengaruhi haluahon ni na ipimpinni. 

5. Isuruh pambobai ni bala ni Jahowa ai do si Josua mananggali sipatuni halani na pansing do ianan ai, janah ibahen si Josua ma sonai (ay.15). Sipatu (kasut) ipahami sebagai na kotor halani masam ni na idogei. Mananggali sipatu patugahkon bahwa Naibata na pansing hadir bani ianan ai. Artini, bani na marjumpah pakon Naibata ternyata iporluhon hasirsiron mananggali haganup habutakon ni goluh ampa hauhuron. Kemunafikan do hakristenon atap tohonan i kuria anggo lang sirsir paubah hauhuron ampa mananggalhon / manadingkon goluh habutakon.

6. Refleksi

a. Bangsa na dob ipaluah Naibata do hita kuria-Ni marhitei Tuhan Jesus. Sirsir do tongtong Tuhan manopot ampa mangkasomani hita mandalani goluh on. Ia do marporang manaluhon musuhta. Pori pe buei musuh janah sipingkirhonon, gogohan do Naibata. Ulang ma marpangunsagah hita bani gogoh ampa dirinta tapi ajamhon hita ma tongtong podang hamonangan na humbani Naibata. 

b. Totap ma hita martoruh ni uhur i lobei ni Naibata marhitei na tangi janah sirsir ibobai hata-Ni. Bani haganup ranggian ampa sura-sura parlobei ma bogei hita petunjuk na humbani Naibata. Ulang ma ihatahon hita tonggo hape rosuhta sandiri do na ihorjahon hita.

c. Tanggali hita ma homa biak habutakon humbani goluhta ai na pansing do Naibata. Ulang ma idilo janah isobut hita goran ni Naibata hape goluhta totap ope lokkot ibagas habutakon.

d. Haleluya No. 202 : 2,5,6

 

Read 272 times

Leave a comment

Make sure you enter all the required information, indicated by an asterisk (*). HTML code is not allowed.

Ambilan & Sibasaon

Go to top