ULANG HALANI MAMPARAYAK NA HARGA TADING SIHARGANAN! (Sibasaon 24 Pebruari 2019, Lukas 10 : 38 – 42)

ULANG HALANI MAMPARAYAK NA HARGA TADING SIHARGANAN!

Sibasaon 24 Pebruari 2019

Lukas 10 : 38 – 42 

1. Sanggah roh Tuhan Jesus hu rumah ni si Marta pakon Si Maria isambut sidea do Ia ibagas malas ni uhur. Penyambutan ai taridah melalui kesibukan: Marta hosei tumang marugas mamparsiapkon na porlu bani Tuhan Jesus janah Maria serius manangar hata ni Tuhan Jesus. Tapi selanjutni Marta merasa kecewa halani ipaturut si Maria sahalaksi marugas. Kekecewaan ai iungkapkon i lobei ni Tuhan Jesus ‘Tuhan, ai lang iidah Ham, na ipaturut anggingkin do sahalak ahu marugas? Hatahon Ham ma ia mangurupi ahu!’ (ay.40). Oleh Marta, sikap ni Maria ai domma salah janah iarapkon do ase ipaingat Tuhan Jesus anggini ai. Tapi balos ni Tuhan Jesus justru lang mansalahkon Maria, tapi nini: ‘Marta!, Marta! Buei do isarihon anjaha isunsahkon uhurmu! Sada do na porlu! Ipilih si Maria do rupei sidearan, seng sibuaton ai hun bani’ (ay.41-42).

2. Hunjon boi dapot hita piga-piga catatan aima:

a. Aha na ihorjahon Maria lang salah tapi aima na sidearan. Anggo isobut sidearan sedo mararti bahwa aha na ihorjahon si Marta (hosei marhorja mangidangi) lepak ma ai, tapi lang ai siporluan.

b. Kelemahan ni Marta aima ketika tubuh perasaan bahwa horja marugas adalah yang utama sehingga mansalahkon Maria na pokkut manangar hata ni Tuhan Jesus.

c. Maria hundul i lobei ni Tuhan Jesus sedo halani na marayoh ia marugas tapi halani sihol ni uhurni manangar hata ni Tuhan Jesus do, halani ai do tang siporlunan bani.

 

3. Domu hujin piga-piga parlajaran boi jumpah hita : 

a. Ulang ma halani kesibukan bani horja (pori pe lang salah marhorja) gabe lupa use tang siporlunan aima marlajar pakon manangar hata ni Tuhan. Ulang halani kesibukan gabe lang adong be panorang untuk bersaat teduh, lang tarbere be panorang rap pakon Tuhan. Ulang halani gap mamingkiri pahara-pahara pardagingon ampa parduniaon on gabe lupa bani arta siharganan aima manjalo ampa mangkaporsayai hata ni Tuhan Jesus.

b. Tujuan utama ni Tuhan Jesus roh hu dunia on sedo laho menikmati aha na adong i dunia on tapi paluahkon dunia on do, sedo laho iidangi tapi mangidangi do.  

c. Sadalan do manangihon hata ni Tuhan pakon marhorja. Na porsaya ningon do mangaplikasihon hata ni Tuhan na ijaloni marhitei goluh pakon horja. Ningon iisi lobei dirini bani hata ni Tuhan ase horjani pe dihut gabe harosuh bani Tuhan.

 

4. Piga-piga keadaan sehari-hari na gati terjadi sebagai evaluasi domu bani ambilan on aima:

a. Ulang ma roh marminggu hu gareja tapi na paling ipersiapkon aima penampilan, pakeian, janah hurang mamparsiapkon uhur laho manangar hata ni Tuhan ampa mamuji Tuhan.

b. Ulang ma itulak manjalo partonggoan i rumahni dengan alasan lang sanggup mempersiapkon hidangan bani kuria na roh atau alasan na legan.

c. Ulang ma halani sibukni mempersiapkon acara adat pakon pesta (bani acara pandidion, parrumah-tanggaon, pnl.) gabe hurang use mempersiapkon uhur memahami makna ni horja ai / ibadah. Atau lebih sibuk bani pahara-pahara na etek marimbang pahara-pahara na banggal.

d. Ulang ma halani marpambahenan i kuria, keluarga; gabe tubuh pingkiranni bahwa dirini ma sisintongan, bahkan boi use gabe paetek-etekkon halak na legan janah marungut-ungut anggo lang sosok bani pingkiranni.

e. Ulang ma halani sibuk bani horja pembangunan fisik pakon administrasi i gareja gabe hurang membekali diri bani hatani Tuhan janah hurang jam doa.

f. Ulang ma halani kesibukan mempersiaapkon haporluan sehari-hari ni niombaah gabe terlupa use mempersiapkon haporsayaon ni sidea, hurang mewariskon hata ni Tuhan bani sidea.

 

5. Diskusi

a. Sebagai halak Kristen, kira-kira aha ma tang siporlunan atau prioritas siparayakon bani goluhmu?

b. Manurut ham, mase isobut bahwa manangar hata ni Tuhan Jesus ai do rupei tang sidearan?

c. Haleluya No. 264 : 1 – 3 

Read 172 times

Leave a comment

Make sure you enter all the required information, indicated by an asterisk (*). HTML code is not allowed.

Ambilan & Sibasaon

Go to top