PONGKUTHON MA HORJA NI TUHAN ! (Ambilan 07 Oktober 2018 2 Timoteus 4 : 1 – 5)

PONGKUTHON MA HORJA NI TUHAN !

Ambilan 07 Oktober 2018

2 Timoteus 4 : 1 – 5

 

1. Ambilan Na Madear aima barita haluahon bahwa Tuhan Jesus do dalan haluahon lang adong na legan. Halani lang adong dalan haluahon na legan, maka mambaritahon Ambilan Na Madear merupakan tugas utama bani na porsaya. Bahkan Ambilan Na Madear maningon ipadas bani panorang na dear atap na lang dear pe (ay.2). Horja mangambilankon Ambilan Na Madear lang boi tarolat halani keadaan atap na masa, tapi ningon ipadas bani ganup keadaan ampa ianan. Mangkaporluhon manaksihon Ambilan Na Madear dihut idasari halani terbatas do panorang, halani songon panangko borngin do parroh ni Tuhan in laho manguhumi halak na manggoluh age na dob matei (ay.1). Hal on domma ibuktihon Paulus bani goluhni bahwa age pe ia sanggah i penjara totap do ia marsaksi bahkan siap ipenjarahon halani mambaritahon Ambilan Na Madear. Semangat misi Paulus lang redup pori pe bani keadaan na lang bersahabat. Semangat na sonin ma iajarhon bani Timoteus na relatif poso ope. Alasan haposoon lang boi dasar mamparlaseihon horja parambilanon. Haganup keadaan merupakan kesempatan laho marsaksi.

2. Isadari Paulus do bahwa mangambilankon Ambilan Na Madear sedo horja na urah. Boi do ragam respon ni jolma bahkan adong na manulak. Halani ai siparambilan ningon memiliki pribadi parlumbang ni uhur banggal laho mangajari, maminsang, paingatkon ampa mamodahi (ay.2). Marlumbang ni uhur mararti memiliki pribadi na tekun janah sabar. Jolma cenderung do mahol manadingkon hasomalanni apa lagi hasomalanni ai domma mendarah daging. Halani ai horja mamodahi ampa paingatkon halak na legan bani pardousaonni rentan gabe hagigi. Ketika jolma ipaingat sangat imungkinhon adong penolakan bahkan mangkagigihon siparambilan. Domu hujin ma iporluhon lumbang ni uhur, ulang marnaloja paingatkon marhitei Ambilan Na Madear.

 3. Tantangan na legan bani horja parambilanon aima halani domma buei pangajar-pangajar na sihol pakahouhon jolma marhitei na menawarhon rosuh-rosuh ni daging atau kenikmatan dunia (ay.3). Motivasi ni pangajar-pangajar na kahou aima kepentingan pribadi atau kelompok. Bahkan pangajar-pangajar na kahou ai boi do seolah-olah idahon pansing hape sasintongni tujuanni laho parsedahon do. Bani sidea ukuran hasintongan lang be hata ni Tuhan tapi aha na pasonangkon pingkiran ampa faktor-faktor kepentingan do. Bani keadaan ni jolma na cenderung mambahen ukuran na sintong aima rosuhni daging, maka rosuh ni Tuhan ianggap sidea do use sebagai haotoon. Halani ai siparambilan mutlak memiliki pribadi na marhasabaron ampa marlumbang ni uhur paingatkon. Mase? Halani na boi paubah uhur pitah hata ni Naibata do. Halani ai tugasni na porsaya ningon padaskon Ambilan Na madear bani sidea. Orientasi hidup bani na porsaya lang be sekedar kenikmatan dunia tapi haluahon ni tonduy do.

4. Bani keadaan na buei ‘kepentingan-kepentingan lain’ i tongah-tongah ni kuria panorang ai, Paulus paingatkon Timoteus ‘Tapi anggo ho, torang ma uhurmu pasal haganup’ (ay.5). Ungkapan ‘tapi anggo ho’ sihol mangajarhon bahwa siparambilan maningon memiliki jati diri na jelas, ia lang boi larut hubani sikap na marsipakulah-kulah bahkan siap age icerca ampa manaron halani padaskon hasintongan ni hata ni Naibata. Horja parambilanon sedo pasaudkon rosuh ni jolma tapi pasaudkon rosuh ni Naibata do. Malas ni uhur bani siparambilan sedo bergantung hubani keadaan tapi anggo tarambilan goran ni Tuhan bani ganup keadaanni do. Malas do uhurni pori pe manaron halani horja hasintongan ampa halani na padaskon Ambilan Na Madear. Siparambilan lang mencari kondisi aman tapi siap berbeda bahkan siap ituduh sebagai sipanggeori oleh jolma na marsipakulah-kulah na pitah mencari keamanan pribadi.

5. Refleksi

a. I tongah-tongah ni zaman na buei menawarhon kenikmatan tanpa peduli bani hasintongan, hita idilo do menyuarahon hasintongan aima hata ni Tuhan. Maningon biaran janah balosan do hita hubani Naibata dari pada hubani jolma. Ulang madabuh hubani na marnaibatahon na adong i dunia on  

b. Hita lang pitah alamat ni haluahon tapi idilo gabe siparugas mambaritahon haluahon ai hubani na legan. Lang marlaku istilah, na penting ahu lang dihut mangkorjahon na jahat, tapi siparutang do hita padaskon hata ni Tuhan bani dunia on.

c. Lang na urah mambaritahon Ambilan Na Madear i tongah-tongah ni dunia na gok hajahaton on. Halani ai iporluhon haporsayaonta totap bertumbuh ase mampu hita bertahan bahkan marmalas ni uhur pori pe manaron halani manaksihon Ambilan Na Madear. Malas ni uhur tang sibanggalan banta lang be hasangapon na i dunia on tapi aima anggo tarambilan goran ni Tuhan marhitei goluhta do.  Suka-duka na idompakkon hita ningon gabe kesempatan manaksihon Ambilan Na Madear.

d. Ase lambin marsangap ma goran ni Naibata marhitei goluhta.

e. Haleluya No. 143 : 1, 2, 5. 

Read 1187 times

Leave a comment

Make sure you enter all the required information, indicated by an asterisk (*). HTML code is not allowed.

Go to top