2. Halani ai dob puho Tuhan Jesus, nini ma hubani susian: ‘Mase mabiar hanima? Otik ni in haporsayaonnima!’ (ay.26). Na ihorjahon Tuhan Jesus parlobei dob puho Ia sedo pasohkon haba-haba tapi maminsang susian halani mabiar janah lang porsaya do sidea. Menyatu do na dua hata on (mabiar ampa porsaya). Ketidak-percayaan do na patubuhkon biar. Halani ai na parlobei ibereshon aima pribadi atau hauhuron ni susian do. Mase? Halani anggo domma porsaya bani Tuhan Jesus pasti do lang mabiar mandompakkon age sonaha banggal ni gilumbang. Sungkun-sungkun ni Jesus on sangat beralasan. Mase? Halani riap pakon Tuhan Jesus do sidea i parau ai, tontu lang talup be namin sidea mabiar anggo domma sintong itanda ampa ihaporsayai sidea Ia. Tarlobih homa halani domma buei iidah sidea tanda-tanda halongangan na ibahen Tuhan Jesus sebelumni sehingga lang talup be namin sidea ragu bani kuasa ni Jesus. Hatahonon ma, ipinsang Tuhan Jesus susian aima halani lape bertumbuh panandaion ampa haporsayaon ni sidea hu-Bani. Pori pe riap sidea pakon Tuhan Jesus tapi ternyata lape porsaya sidea bani kuasa ni Tuhan Jesus. Jadi masalah na utama sedo haba-haba ai tapi haporsayaon ni susian do.

3. Laho menguatkon sungkun-sungkun ni Tuhan Jesus pasal otik ni haporsayaon ni susian, selanjutni ipataridahkon Tuhan Jesus do kuasa-Ni marhitei na mangkata logou pakon tao ai gabe minop tumang ma (ay.26). Ijon Tuhan Jesus mangajari susian bahwa markuasa do Ia mengatasi gilumbang. Anggo domma riap janah porsaya bani Tuhan Jesus lang talup be mabiar mandompakkon age aha na masa. Hatahonon, status sebagai susian lang boi ipisahkon humbani haporsayaon. Lang talup goranon susian anggo lape porsaya bani Tuhan Jesus. Sahalak susian ningon do homa sahalak na porsaya. Lang boi pitah riap sakapal dalam arti manobut dirini sebagai siirikkon Tuhan Jesus hape lape porsaya bani Tuhan Jesus. Halak na sonon sipinsangon ope ai.

4. Refleksi

a. Haporsayaon na bertumbuh janah lambin matoras, ai do ipindo marhitei ambilan on. Ulang ma lalap danak haporsayaonta tarlobih dob 115 tahun pardas ni  Injil i tanoh Simalungun.

b. Sai na adong do gilumbang ni goluh sidompakkononta. Tapi sada malas ni uhurta bahwa adong do Tuhan Jesus hasomanta na pamonangkon hita. Halani ai lambin haporsayai hita ma bahwa banggalan do kuasa-Ni marimbang haganup gilumbang ni goluh na idompakkon hita. Marhitei na sonin ma lambin daoh hita humbani uhur biar ampa pandoleian bani na mandalani goluh on.

c. Ase masalah na utama atau na tang sihabiaran domu bani ambilan on sedo aha na masa bani goluhta tapi anggo lang bertumbuh haporsayaonta do. Anggo sehat do haporsayaonta dalam arti sintong porsaya bani Tuhan Jesus, lambin etek do iidah hita pergumulan atau gilumbang ni goluh on. Sebalikni, lambin otik haporsayaonta maka lambin banggal ma homa iidah hita pergumulan ni goluhta. Ase kata kuncini aima haporsayaon.

d. Laho membangun haporsayaon aima marhitei na setia manangar hata ni Tuhan halani humbani na manangar ambilan do roh ni haporsayaon. Anggo lambin ibere hita uhur ampa panorangta marsaor pakon hata ni Tuhan, ijai do homa lambin torang uhurta janah boi iidah hita bahwa ganup na masa aima sebagai kesempatan mengalami idop ni uhur ni Tuhan.

e. Ase ulang ma pitah isobut hita dirinta sebagai halak Kristen tapi gabe halak Kristen na porsaya ma.

f. Haleluya No. 458 : 1 – 2