2. Domu hujin ma ase bani ambilan on isuruh do pabangkithon panguhum ampa sipanuturi humbani tiap-tiap suku / marga na martugas laho patugahkon / mangajarhon ampa mandalankon uhum atau aturan na humbani Naibata hubani bangsa ai (ay.18). Tujuanni ase bangsa totap manggoluh bani norma-norma na dob itotapkon Naibata, ase boi teratur pargoluhan ni bangsa ai. Hunjon taridah ma bahwa Naibata lang marosuh anggo bangsa ai geor janah memiliki sikap na lang sintong tarlobih bani parsaoran antar sesama sidea. Hata ni Naibata ningon ipakei sebagai standar atau ukuran na sintong bani pargoluhan ni sidea.

3. Halani ai jolma na ipabangkit gabe panguhum ampa sipanuturi ningon do halak na setia janah bertanggungjawab halani sidea berperan sebagai tangan ni Naibata laho manguhumi ampa mendidik bangsa ai ase mardalan bani rosuh ni Naibata. Sidea maningon mandalankon tugas ibagas hasintongan. Lang boi ipapeol uhum halani kepentingan-kepentingan lain, lang boi sitonggor jumbak, lang boi manjalo sisip bani horja ai (ay.19). Panguhum ampa sipanuturi ningon memiliki pribadi na bersih janah bebas dari KKN. Mase? Halani pribadi atau sifat ni sidea sangat manontuhon hubani dear atau lang keadaan ni bangsa ai. Anggo geor do na mambobahon geor do homa na ibobahon, sebalikni anggo sintong do sipambobai dear do homa na ibobai. Maningon isadari sidea bahwa tugas ai ijalo sidea humbani Naibata janah maningon ibagas biar bani Naibata homa idalankon horja ai.

4. Ternyata kesetiaan ni bangsa ai mardalan bani aturan ampa uhum ni Naibata sangat menentukan do hubani masa depan ni sidea, nini: ‘Pitah hapintoron do parayakonmu, ase manggoluh ham anjaha teanonmu tanoh, na sihol bereon ni Jahowa Naibatamu bamu’ (ay.20). Janji ni Naibata mamasu-masu bangsa ai mamungkah humbani pandiloon ni si Abraham, ompung ni sidea lang terlepas humbani hasirsiron ni sidea mardalan bani aturan ni Naibata. Kesetiaan ampa holong ni Naibata maningon irespon dengan ketaatan, manggoluh domu hubani norma-norma na dob itotapkon Naibata. Masa depan ni sidea pitah bergantung hubani Naibata do halani ai untuk manuju masa depan mutlak iporluhon uhur na marhabiaran ampa sipambalosi hubani Naibata.

5. Refleksi

a. Jolma na pentar belum tentu berhikmat. Boi do jolma pentar bani ilmu tapi lang memiliki hikmat. Hikmat marharohan humbani uhur na marhabiaran hubani Naibata. Bani statusta bei sihol ma hita gabe jolma na berhikmat, sipambalosi bani Naibata sehingga kehadiranta boi mamboan hadearon age bani halak na legan.

b. Buei do godaan bani goluh on sehingga lang pajongjongkon hasintongan. Boi do ai halani harga diri, sitonggor jumbak ampa mata duiton. Demi menjaga wibawa dan kehormatan bahkan mengejar kuasa boi do madabuh jolma hubani dosa. Anggo duit do siporlunan bani sasada halak, urah do homa on terpancing manjalo sisip sehingga madabuh hubani sikap na pasintongkon na salah janah mansalahkon na sintong. Anggo sitonggor jumbak somalni lebih membela halak na na sangap dari pada halak na doyuk. Pori pe halak na doyuk ai do na sintong tapi halani lang adong siarapkononni hunjai gabe ibela do use halak na sangap. Ambilan on paingatkon hita ase selalu palobeihon hasintongan bani haganup keadaan.

c. Ibagas biar hubani Naibata hita bani ganup goluhta. Anggo domma marosuh Naibata banta, lang pahara na mahol bani Naibata laho mamasu-masu ampa manramoti goluhta.

d. Haleluya No. 339 : 1 – 3