2. Sebagai inang na mabalu na lang memiliki juma pakon arta, marusaha do si Rut memenuhi kebutuhan hidupni pakon simatuani ai marhitei na patumpuhon sisa-sisa panabian i juma ni halak (ay.2-3). Ijon pe ipataridahkon do kegigihanni berjuang demi holongni hubani si Naomi simatuani ai. Otik pe lang isolsoli keadaan ai tapi ibagas na tulus do ia pataridahkon holongni hubani Naomi. Panorang ai tudu do ia manjomputi buyur ni gandum i juma ni si Boas, sahalak na bayak, hasoman samarga ni si Elimelek. (ay.1). Dob ibotoh si Boas bahwa si Rut aima parumaenni si Elimelek-Naomi, janah ibotoh homa sonaha dear ni gabei ampa holongni si Rut hubani si Naomi, tubuh ma holong ni uhurni si Boas hubani si Rut. Iapresiasi si Boas do homa sikap ni si Rut na sirsir manadingkon naibatani Moab janah marsombah hubani Naibata ni halak Israel. Hunjon taridah bahwa ternyata si Boas pe, sobali halak na bayak, tapi ia pe sahalak na marhabiaran hubani Naibata do homa. Halani ai ipasirsir do siinumon ampa sipanganon bani si Rut janah ihatahon do homa hubani juak-juakni mamerperhon deba buah ni gandum ase adong sipatumpuon ni si Rut. Ipakei Naibata do si Boas patalarhon holong-Ni hubani si Rut. Ternyata Boas pe lang pitah bayak bani arta tapi bayak do homa bani holong. 

3. Parjumpahan ni si Rut pakon si Boas menjadi titik awal na ipakei Naibata patalarhon holong-Ni bani si Rut. Pori pe ia sahalak boru Moab, tapi holong ni Naibata lang tarolat halani ai. Harga tumang do bani Naibata ketulusan ampa holong ni uhur na imiliki si Rut. Bagei do cara ni Naibata menyatahon holong-Ni ampa mansarihon halak parholong. Bahkan bani kisah selanjutni Rut na sebelumni tergolong hubani na doyuk janah na lang memiliki masa depan, menjadi naboru na martuah halani ibuat si Boas do use ia gabe parinangonni. Uhur holong na imiliki si Rut pakon si Boas mambahen sidea ipasu-pasu Naibata bahkan humbani keturunanni sidea ma use tubuh Tuhan Jesus hu dunia on.

4. Refleksi

a. Uhur holong aima sada biak na sangat iharosuhkon Naibata. Bahkan rimpun ni haganup hata ni Naibata aima holong. Bukti ni halak na porsaya aima anggo goluhni gok ibagas holong janah ihorjahon holong ai ibagas pambalosion ampa biar bani Naibata. Halani ai ulang ma pitah isobut hita dirinta sebagai kuria ni Tuhan tapi biak hakristenon aima holong daoh ope humbanta.

b. Jolma siparholong taridah do anggo goluhni lang pitah mamingkiri na porlu hubani dirini sandiri tapi anggo marguna homa ia hubani halak na legan, kehadiranni mamboan hadearon ampa malas ni uhur age hubani halak na legan marhitei aha na adong bani.

c. Mangkorjahon holong sedo anggo domma sukkup haganup banta. Belajar humbani pribadi Rut, ia domma bayak bani holong pori pe keadaanni panorang ai sangat terbatas janah marhahurangan bahkan berstatus sebagai inang na mabalu.

d. Ase ulang ma pitah berupaya hita bayak bani arta ampa hasangapon tapi berupaya ma homa hita ase bayak ibagas uhur ampa horja holong songon si Boas.

e. Horjahon hita ma holong halani goluhta ampa haluahonta pe pitah halani holong ampa idop ni uhur ni Naibata do.

f. Haleluya 348 ; 1 – 3