MARKUASA DO NAIBATA PASAUDKON PADAN-NI (Sibasaon 15 Juli 2018 1 Musa 18 : 1 – 10)

MARKUASA DO NAIBATA PASAUDKON PADAN-NI

Sibasaon 15 Juli 2018

1 Musa 18 : 1 – 10 

1. Abraham aima na idilo Naibata borhat hun huta hatubuhanni hu ianan na ipatuduhkon Naibata. Ia lang sipanjua bani parentah ni Naibata. Ihaporsayai janah idalankon do ganup hata ni Naibata na ipadas bani. Ijanjihon Naibata do homa bani Abraham ginompar na buei janah gabe sada bangsa na banggal. Tapi pori pe das hubani na matua ia pakon parinangonni si Sarah lape jumpahan anak, lang halani ai moru haporsayaonni hubani Naibata. Tengeran janah porsayanan do ia hubani hata ni Naibata marimbang pingkiranni sandiri. Haporsayaonni bani hata ni Naibata memampuhon Abraham totap setia mambalosi Naibata. Keadaan na lang mungkin bani jolma boi jumpahan tuah terkalahkan oleh haporsayaon ni Abraham. Haporsayaonni bani hata ni Naibata memampuhonsi marsabar ni uhur paimahon age bani kurun waktu na dokah.

2. Haporsayaon aima sada sikap atau keyakinan bahwa lang adong na mustahil bani Naibata. Haporsayaon mambahen boi mangidah na so taridah. Pori pe lang boi iidah mata janaah lang tarpingkiri secara logika, tapi halani buka do mata ni haporsayaon ni Abraham, tubuh do tenger ni uhurni bani padan pakon hata ni Naaibata. Porsaya do si Abraham bahwa ganup hata-Ni ningon saud do. Kuasa ni Naibata melebihi logika berfikir ni jolma. Abraham lang mambahen pingkiranni sebagai ukuran kebenaran tapi haporsayaonni bani hata ni Naibata do. Domu hujin ma haporsayaon ai gabe teruji, janah ternyata haporsayaon ni Abraham sangat teruji marhitei na totap ia setia bani Naibata pori pe janji ni Naibata dokah do ase jumpahsi. 

3. Bani ambilan on ipatalar Naibata do diri-Ni bani Abraham marhitei na iidah adong tolu halak jongjong i lobeini. Haporsayaon ni Abraham mambahen buka panonggorni gabe itanda bahwa na roh manjumpahkonsi ai aima Naibata. Halani ai secara spontan do ia manrogop janah mangindohon ase sirsir sidea tuluy ase iidangi si Abraham sidea paima manoruskon pardalanaan ni sidea. Panandaionni na sintong bani Naibata patubuhkon sikap hormat janah sirsir manamuei atau mangidangi Naibata. Ipataridahkon do ai marhitei na pasirsirhon sipanganon bani sitolu halak ai. Panandaion bani Naibata ternyata sangat manontuhon sonaha bersikap dompak Naibata. Anggo samar ope panandaion, ijai do homa hurang iporluhon manjalo pakon pasangapkon Naibata.

4. Sanggah sonai ma ipadas Naibata hata-Ni hubani si Abraham: ‘Roh do use Ahu  marayak ho sonon tahun in, jadi adong ma sada anak bani si Sarah parinangonmin’ (ay.10). Secara pingkiran ni jolma hata ni Naibata on boi do ianggap lang sintong bahkan songon lelucon halani lang sesuai hubani pingkiran ni jolma. Tapi justru ijon ma tarbukti bahwa lang ongga lupa atau marladung Naibata bani halak na porsaya janah kuasa ni Naibata melebihi pambotoh atau pingkiran ni jolma. Lang haganup hata ni Naibata terealisasi secara alami domu hubani pingkiran ni jolma. Hata ni Naibata lang porlu iuji kebenaranni atau porlu untuk dikritisi tapi sijaloon janah sihaporsayaonkon do hansa halani sintong do ganup hata ni Naibata. Jolma na porsaya bani hata ni Naibata, walau pun melalui proses yang panjang, pasti do jumpahan na madear. Botohan do Naibata manontuhon panorang sidearan mangondoskon pasu-pasu-Ni bani jolma. Hata pakon rencana ni Naibata bani na porsaya lang boi tarolati atau batal oleh karena apa pun termasuk oleh waktu.

5. Refleksi

a. Haporsayaon menyatu do hubani sikap sirsir mandalankon parentah ni Naibata songon si Abraham. Haporsayaon lang sekedar ungkapan kata tapi melekat do hubani kesetiaan mandalankon hata ni Naibata.

b. Halak na porsaya lang pitah mamakei pingkiranni sebagai ukuran na sintong tapi yakin do ia bani hata pakon padan ni Naibata, halani ai hata ni Naibata do ibahen ukuran na sintong.

c. Panandaion janah pangkaporsayaion bani Naibata sangat manontuhon sonaha hita bersikap janah pasangapkon Naibata. Lape sintong hita pasangapkon Naibata anggo lape sintong panandaion ampa pangkaporsayaionta hu-Bani.

d. Kuasa ni Naibata lang terbatas, markuasa do Ia mambahen lobih humbani na boi ipingkiri jolma. Na pasti, sintong do ganup hata ni Naibata. Halani ai bani ganup na masa maronjolan ma hita bani hata ni Naibata, ai hadearon do ulihta marhitei ai.

e. Haleluya No. 240 : 1 – 3  

Read 2586 times

Last modified on Thursday, 05/07/2018

43 comments

Leave a comment

Make sure you enter all the required information, indicated by an asterisk (*). HTML code is not allowed.

Go to top