2. Isuruh Naibata do Nuh pakon keluargani (parinangonni, anakni ampa parumaenni) masuk hubagas parau paima roh bah na sumbang ai. Hunjon tangkas ma bahwa Naibata sihol pabayuhon dunia on marhitei na manripaskon haganup jolma pardosa. Sekaligus patangkashon bahwa ihagigihon Naibata do dosa janah seng ra Ia berkomromi pakon dosa. Haganup jolma pardosa imunopkon bani bah na sumbang ai. Hamateian do ulih ni parjahat. Gabe parlajaran do on ase ulang ma bangga jolma ibagas hajahatonni tapi sebalikni ase itundalhon jolma in ma namin dosa ampa hajahaton ai paima roh ari paruhuman, paima roh bah na sumbang.

3. Ketika Naibata paluahkon Nuh pakon keluargani, hal on sihol mangajarhon bahwa lang adong na lingot goluh ni jolma i lobei ni Naibata. Itanda janah ibotoh Naibata do ise parpintor ampa parjahat bahkan iidah do das hubagas uhur ni jolma in. Sekaligus mangajarhon bahwa na ietong Naibata bani si Nuh ase ra Ia paluahkonsi ampa keluargani sedo humbani aha na adong bani Nuh tapi humbani sikap ampa hauhuronni do na totap marhabiaran janah taat bani Naibata. Ternyata kesetiaan dan ketaatan harga tumang do ai i lobei ni Naibata bahkan lobih do hargani ai humbani atap aha pe na adong i dunia on.

4. Ketika Naibata paluahkon Nuh, dihut do homa masuk hu bagas parau ai haganup pinahan sapasang bei. Hunjon boi iidah hita holong ni Naibata hubani halak parpintor, ternyata totap do Ia pasirsirhon haporluan ni jolma na marhabiaran hu-Bani. Naibata do na pasirsirhon haganup na porlu bani halak na porsaya janah na taat hu-Bani. Hunjon gabe parlajaran banta ase ulang ma halani na mamparayak atau mansarihon na porlu bani goluh on gabe itundalhon jolma in use Naibata.

5. Refleksi

a. Bagei do ragam ni goluh ni jolma i dunia on. Adong do na bangga mangkorjahon hajahaton ampa dosa, adong do na berpura-pura baik hape uhurni gok ibagas habutakon,  adong do homa na bujur bani keadaan atau situasi tertentu tumang, adong do homa na rosuh pitah mangidah dosa ni hasoman tapi ternyata ia siparahan, adong do homa hatani jenges tapi uhur ampa parlahouni bajan, pnl. Belajar humbani ambilan on, sihol ma hita totap setia janah taat mardalan bani hasintongan ampa hata ni Naibata bani ganup keadaan halani domma ihaporsayai hita Naibata totap do mansarihon ampa paluahkon hita. Ketaatan hubani Naibata sihol ma menjadi na utama banta halani ai do ukuran na ipakai Naibata laho paluahkon hita.

b. Ukuran hasintongan pe gati do bergeser i dunia on. Adong do jolma mambahen ukuran hasintongan marhitei suara terbanyak, adong homa ikut-ikutan hubani aha nini hasoman, adong do homa na mambahen ukuran hasintongan humbani aha na boi pasonangkon dirini ampa hisap-hisapni, adong do homa na mengukur hasintongan anggo hatani itangihon halak na legan, adong do homa na mengukur hasintongan humbani sisi zona aman asal ma ulang terusik ia janah halani gati itoleransi hajahaton janah mabiar menegakkon hasintongan, pnl. Ambilan on mangajarhon bahwa ukuran hasintongan sedo humbani aha nini dunia on tapi aha nini Naibata do. Halani ai pori pe gati lepak hita nini dunia on halani taat janah balosan hita hubani Naibata, ulang pala mabiar hita ijai.

c. Paubah hita bei ma uhurta paima ari paruhuman ni Naibata ase ulang gabe panosalan ujungni. Sikap ampa tindakan ni Naibata domma jelas dan tegas bahwa uhumon-Ni do jolma parjahat tapi paluahon-Ni do jolma parpintor. Hita ma mamilih atau manontuhon ulih na ija do sijaloonta humbani Naibata.

d. Haleluya No. 304 : 1, 3