HOLONG NI NAIBATA DO HALUAHONTA (Ambilan 15 April 2018, Mika 7 : 14 – 20)

HOLONG NI NAIBATA DO HALUAHONTA

Ambilan 15 April 2018, Mika 7 : 14 – 20 

1. Mika aima sada nabi na marasal humbani keluarga biasa hun huta na etek, Moreset (1:1). Ia manjahai sanggah panorang ni raja Jotam, Ahas pakon Hiskia. Keadaan ni bangsa Israel panorang ai sangat krisis iman halani dosa. Terjadi do penindasan bani na miskin (2:1-2), penyelewengan hukum pakon korupsi (3:9-11), pambobai ni bangsa ai lang be sintong mandalankon fungsini songon na iharosuhkon Naibata. Memang mardalan ope ibadah tapi pitah seremonial hansa. Ibotoh janah isadari nabi Mika keadaan on pasti ma mamboan kehancuran bani bangsa ai (7:13). Dosa berdampak uhuman halani ihagigihon Naibata do dosa ai.

2. Halani ai bani ambilan on roh do Mika hu lobei ni Naibata lang mangajamhon hadearon atau habujuron ni bangsa ai tapi roh mangajamhon idop ni uhur ni Naibata. Ihaporsayai do bahwa Naibata aima na sirsir manasap dosa janah paridop ni uhur (ay.18-19). Pori pe maningon hona uhum bangsa ai halani hajahaton ni sidea, tapi ihaporsayai Mika do bahwa lang torus manringis Naibata. Idingat do padan-Ni bani si Abraham na domma manjanjihon ase ginomparni tarpasu-pasu janah gabe bangsa na banggal (ay.20). Sebagai nabi, Mika memiliki pangarapan na optimis pasal masa depan ni bangsa ai maronjolan hubani janji ampa hata ni Naibata.  

3. Halani ai ipangindo nabi Mika do ase hadir Naibata laho marmahani bangsa ai ase boi sidea  manampal i Basan ampa Gilead (tanoh na subur sebelah selatan dolog Hermon), ay.14. Hata marmahani marisi pesan panandaion diri bahwa na galek do bangsa ai songon biri-biri na boi maluah pitah halani holong ni Naibata. Sekaligus marisi pesan pembaharuan atau pertobatan ase mulak janah itanda sidea use sora ni Naibata sebagai Parmahan ni sidea. Ihaporsayai do bahwa pitah Naibata do hansa na boi mambere haluahon ampa pasirsirhon kebutuhan ni bangsa ai gabe boi manampal bani tanoh na subur. Ihaporsayai nabi Mika bahwa kesejahteraan ni bangsa ai sedo hal na mustahil halani sebelumni pe domma ialami sidea haluahon na humbani Naibata sanggah jabolon sidea i tanoh Masir (ay.15). 

4. Kehadiraan ni Naibata i tongah-tongah ni bangsa-Ni dipastikan akan membawa pemulihan ampa hadoharon bani bangsa Israel tapi habadoron bani bangsa sipajuh begu-begu na lang mananda Naibata (ay.16). Hunjon takkas ma bahwa pitah Naibata do siparkuasa i sab tanoh on janah tarbador do sagala na mangunsagah bani kuasa ni dunia on, bahkan ipausih do sidea hubani ulog na manjulur na mandilati tanoh, artini: tarmela janah terhina (ay.17). Hitir do ganup bangsa i lobei ni Naibata janah halani panumpakion-Ni bani bangsa-Ni gabe marhabiaran do homa age bangsa-bangsa hubani bangsa ai. On mambere pengajaran bahwa bangsa ai ningon menyadari bahwa hadoharon na ialami sidea murni pitah halani holong ni Naibata. Halani haganup bangsa-bangsa ampa siparkuasa tunduk do i lobei ni Naibata, lang porlu sihabiaran aha pe na masa termasuk ancaman ni bangsa na legan asal ma totap sidea tangi janah sipambalosi hubani Naibata. Na ipangindo hubani sidea aima sikap pataridahkon jati diri sebagai bangsa ni Naibata marhitei na tongtong sipambalosi hubani Naibata. On ma kata kunci ase boi aman humbani ganup ancaman. Soya do ganup upaya paluahkon diri anggo daoh do sidea humbani Naibata. Naha pe gogoh ni bangsa-bangsa na sihol parsedahon goluh ni sidea, anggo orot do sidea hubani Naibata jumpah do kenyamanan.

5. Refleksi

a. Gok holong do Naibata banta kuria-Ni. Dosa do sumber ni hasedaon ampa hamateiaan tapi sirsir do Ia manasap dosa panlanggaronta ase jumpah hita use haluahon ampa hagoluhan.

b. Isarihon Naibata do hita kuria-Ni marhitei na sirsir Ia marmahani hita. Parmahan Na Madear do Ia na mambobai hita hubani sampalan na mombur janah na paluahkon hita humbani ancaman. Halani ai ningon tanginan do hita hubani Naibata. Mardalan ma hita bani dalan na ipatuduhkon Naibata. Pori pe gati lang tararusi hita rencana ni Naibata tapi ningon porsaya hita hubani hadearon do hita ibobai.

c. Gogohan do Naibata marimbang sagala siparkuasa na adong i tanoh on. Halani ai bani ganup na masa hubani Naibata ma hita mangindo pangurupion ase ulang tarbador hita.

d. Tarbador do sagala parjahat na lang marhabiaran bani Naibata janah na mangenjengkon kuasa ni dunia on. Pori pe idahon megah halak parjahat tapi tawa na manuju tangis ampa doruh-doruh do ai.

e. Domma puho Tuhan Jesus humbani hamateian. Parpuhoon-Ni ai gabe bukti domma tunduk i lobei-Ni sagala kuasa ni dunia on. Kuasa hamonangan-Ni ai ma totap ajamhon hita mandalani goluh on.

f. Haleluya No. 52 : 1 – 3  

Read 365 times

Last modified on Friday, 06/04/2018

Leave a comment

Make sure you enter all the required information, indicated by an asterisk (*). HTML code is not allowed.

Go to top