Ambilan 06 Agustus 2017, Matius 14 : 13 – 21

MENJADI CUKUP KETIKA KUASA TUHAN HADIR

Mat 14 : 13-21

14:13 Dob ibogei Jesus ai, misir ma Ia hunjai marparau hubani sada ianan na lungun, sahalakSi. Anjaha dob ibogei halak na mabuei ai pasal ai, iirikkon sidea ma Ia mardalan nahei, manlopusi huta-huta ai.

14:14 Dob mandarat Jesus, iidah ma halak na mabuei ai, gabe idop ma uhurNi mangidah sidea, anjaha ipamalum ma na boritan, na adong itongah-tongah ni sidea. (bd. 9:36.)

14:15 Jadi dob bod ari, roh ma susianNi ai hu lobeiNi mangkatahon: Halimisan do ijon anjaha bod ma ari. Palaho Ham ma halak na mabuei in, ase laho sidea hu huta-huta ai mamboli sipanganon!

14:16 Tapi nini Jesus ma bani sidea: Seng pala laho sidea, bere hanima ma sidea mangan!

14:17 Dob ai nini sidea ma hu-Bani: Pitah lima ruti ampa dua dengke do adong bannami ijon.

14:18 Tapi nini ma: Boan hanima ma ai Bangku hujon!

14:19 Jadi isuruh ma halak na mabuei ai hundul bani poyon-poyon ai. Dob ibuat ruti na lima ai ampa dengke na dua ai, mangkawah ma Ia dompak datas, laho mangkatahon tonggo tarima kasih; ipartopik ma ruti ai, ibere ma bani susianni ai, ase sidea mamberei halak na mabuei ai.

14:20 Jadi mangan ma haganup anjaha bosur bei, dob ai ipatumpu ma teba-teba ai, gok sapuluh dua bantei. (2 Raj. 4:44.)

14:21 Ia buei ni na mangan ai adong do hira-hira lima ribu halak dalahi, naboru pakon dakdanak seng ibilang

1. Bani ay. 13 isobut: ‘Dob ibogei Jesus ai, misir ma ia hunjai marparau hubani sada ianan na lungun, sahalak-Si’. Aha do na dob ibogei Jesus? Parmatei ni si Johanes Pandidi halani ibunuh si Herodes (ay.10,12). Ternyata Tuhan Jesus sedang berkabung sehingga laho do Ia hubani sada ianan na lungun. Ternyata dob ibogei simbuei, idapotkon sidea do Tuhan Jesus bani ianan ai (ay.13). Situasi berkabung ternyata lang mangolati Ia berkarya mangkaholongi simbuei, nini: ‘gabe idop ma uhur-Ni mangidah sidea, anjaha ipamalum ma naboritan na adong i tongah-tongah ni sidea’ (ay.14). Jesus lang ongga tarolat mangkaholongi jolma pori pe sanggah borat ahap-Ni. Sari do tongtong Ia bani na roh hu-Bani.

2. Terjadi do suasana hangat bani parjumpahan-Ni pakon simbuei sehingga lang terasa domma bod ari. Tapi lungun do ianan ai janah lang adong sipanganon ijai. Lalu susian berinisiatif mangkatahon hubani Jesus ase ipalao simbuei mamboli sipanganon hu huta-huta  na i sekitar ianan ai (ay.15). Sada sisi logis do usul on halani pitah lima ruti ampa dua dengke do hansa adong sementara na martumpu adong lima ribu halak dalahi, sobali naboru ampa dakdanak. Tarhira na lang adong do nilai ni sipanganon ai anggo ibandingkon hubani buei ni jolma. Tapi justru ijai ma Jesus mangajarhon kuasa-Ni, nini ‘Seng pala laho sidea, bere hanima ma sidea mangan!’ (ay.16). Tuhan Jesus lang satuju bani pingkiran ni susian. Ia lang ra marsuruh simbuei ai mulak ibagas kegelisahan halani loheian. Pangajaran na jumpah ijon aima: 

a. Ulang mambahen keputusan pitah mardasarhon pingkiran atau ukuran ni jolma tumang (songon susian), tapi ningon do parlobei marsungkun hubani Tuhan Jesus baru pe ase boi ibahen keputusan.

b. Jalan keluar tanpa menghadirhon campur tangan Tuhan akan mengalami kebuntuan halani terbatas do kemampuan ni jolma mengatasi masalah na adong. Bahkan sikap na sonon gabe patubuhkon sikap menutup diri mangurupi na marhasunsahan halani merasa bani dirini sandiri pe lang sungkup. 

c. Tuhan Jesus sangat peduli janah parholong do hubani jolma na roh hu-Bani.

3. Ijalo Tuhan Jesus do na lima ruti ampa dua dengke ai (ay.18). Ternyata ipakei Jesus do na lima ruti ampa dua dekke ai laho patalarhon kuasa-Ni. Artini, ketika ingin mengalami mijizat atau kuasa Tuhan sedo mararti lang porlu be sarana atau aha na adong bani jolma in. Anggo sihol malum humbani naborit misalni lang porlu be martambar, sukkup ma pitah martonggo ; lepak do pemahaman na sonin. Tuhan Jesus mamakei aha na adong bani jolma laho patalarhon holong ampa kuasa-Ni. Na ihorjahon Tuhan Jesus selanjutni aima: Dob ibuat ruti ampa dengke ai, ‘mangkawah ma Ia dompak datas, laho mangkatahon tonggo tarimakasih’ (ay.19). Ketika susian bulinsah halani na otik atau lang sukkup bagion, ternyata Tuhan Jesus justru mampu martarimakasih age pasal na otik ai. Pangajaran ijon aima:  ulang mungut-ungut atau isolsoli keterbatasan na adong tapi sebalikni martarimakasih ma pasal atap aha pe na adong irik mangindo ase ipasu-pasu Naibata na adong ai pori pe otik janah terbatas hansa bueini.

4. Dob ai ipartopik ma ruti ai, ibere bani susian-Ni, ase sidea mambere halak na mabuei ai mangan. Ijon Jesus mangubah cara berfikir ni susian. Sebelumni sidea gobir halani lang sukkup sipanganon tapi sonari sidea mangidah bahwa lang hurang pori pe otik anggo marhasoman pasu-pasu ni Tuhan. Dob bosur haganup ternyata sulei ope 12 bantei (ay.20-21). Ada mujizat di dalam syukur dan doa. Selalu ada jalan keluar anggo domma marondos hubani Tuhan. Ukuran cukup ternyata lang itontuhon sadiha bahat na adong tapi anggo na adong ai iondoskon bani Tuhan ibagas uhur na martarimakasih do. Banggalan do pangkorhon ni na otik anggo marhasoman pasu-pasu dari pada idahon buei tapi lang hadir Tuhan ijai, bahkan age buei boi do paroh hasedaon anggo lang ibagas Tuhan ihoseihon / ikelola ai.

5. Refleksi

a. Mase gati jolma bulinsah janah gobir bani na hurang? Halani ukuran cukup gati pitah iidah humbani kemampuanni lang humbani kuasani Tuhan. Lang porsaya bahwa markuasa do Ia mamasu-masu/mansungkupkon age marhitei na otik. Martarimakasih ma pasal haganup hubani Tuhan in.  

b. Sadihari do hita mangkaholongi hasoman na mamorluhon pangurupionta? Bani ganup panorang  ampa situasi songon na ihorjahon Tuhan Jesus. Sedo hita sumber ni pangurupion ai tapi na padaskon holong ni Tuhan do hita marhitei na adong banta. Anggo sulei 12 bantei humbani na lima ruti ampa dua dekke, mararti do ai seng ongga irugihon Tuhan na sirsir marsibere-bere bani na marhasunsahan.

c. Ase bani haganup na masa ampa situasi parlobei ma sungkunhon hita Tuhan aha do sibahenonta, ulang ma mambahen haputusan pitah humbani pingkiranta sandiri ai terbatas do gogohta.

d. Sintong do Tuhan Jesus ai Mesias janah Sipaluah. Markuasa do Ia mangurupi ampa paluahkon hita humbani ganup masalah. Hatengerhon hita ma Ia bani ganup na masa bani goluh on.

Haleluya 457 : 1 – 2