Ambilan 30 Juli 2017, 1 Raja-raja 3 : 4 – 12 

AHA DO ARTA SIHARGANAN BANTA ?

1. Dob bangkit si Salomo manggantihkon Daud bapani ai sebagai Raja, ijumpahkon Naibata do ia sanggah manggalang i Gibeon marhitei nipi. Idalankon Salomo do horja padaskon galangan sebagai hataridahan ni haporsayaonni hubani Naibata. Isungkun Naibata do ia pasal aha sihol siberehonon-Ni hubani. Ipangindo Salomo do ase ibere Naibata hubani uhur na pantas ase margogoh ia manggomgomi bangsa ni Naibata na banggal ai (ay.9). Humbani pangindoan on boi iidah hita pribadi ni Salomo :

a. Siholni uhurni ase totap manggoluh ibagas pambobai ni Naibata songon bapani, si Daud. Nini, ‘Domma ipatidak Ham idop ni uhur banggal hubani juak-juak-Mu, bapa, si Daud, halani marparlahou ia i lobei-Mu ibagas hasintongan, hapintoron pakon bonar ni paruhuran dompak Ham’ (ay.6). Ternyata Salomo terbekali mananda Naibata marhitei na marlajar humbani sikap atau pribadi ni bapani, si Daud. Ia terdidik mananda Naibata marhitei keluarga atau orangtuani. Isadari bahwa keberhasilan ni si Daud bapani ai pe sedo halani gogohni tapi halani sirsir do ia mardalan bani rosuh ni Naibata. On ma na mendorong Salomo laho padaskon pangindoanni ase ipargogohi Naibata homa ia mardalan ibagas hasintongan marhitei na ibere hubani uhur na pantas. Adong panandaion diri bahwa tarbador do ia anggo lang iparuhuri ampa ipargogohi Naibata.

b. Ternyata na manrajai uhur ni Salomo sedo arta, habayakon ampa hasangapon na i dunia on tapi uhur na marhabiaran hubani Naibata do. Memiliki hati yang taat dan takut akan Tuhan jauh lebih berharga ibanding hubani hasangapon na legan. Harganan do bani hauhuron na humbani Naibata dari pada arta / habayakon. Arta siharganan bani aima mardalan bani rosuhni Naibata. Salomo bukan tipe orang yang serakah harta dan jabatan. Bahkan isadari bahwa soya do haganup na adong termasuk jabatanni anggo lang marhasoman hauhuron atau hapentaran na humbani Naibata. 

c. Pangindoan ni ai pe lang idasari kepentingan atau ambisi pribadi tapi ibagas tujuan ase margogoh do ia menunaikan tugas ampa tanggungjawab na ipaondos Naibata, laho memimpin bangsa ni Naibata (ay.6-8). Jabatan sebagai raja ipahami sebagai jabatan pelayanan bukan kuasa atau kesombongan. Ia sihol mandalankon tugas ai sadalan hubani rosuh ni Naibata janah bahen hasangapon ni Naibata sedo laho pabanggal-banggal dirini. 

 2. Marosuh do Naibata bani pangindoan ni Salomo bahkan isobut do na lang adong jolma na pentar songon si Salomo i lobeini (generasi sebelumni) barang na sihol tubuh ope (ay.12). Salomo manjalo sibere-bere na istimewa humbani Naibata. Hatahonon, iharosuhkon Naibata do jolma na sirsir mardalan bani rosuh-Ni. Rosuh do uhur ni Naibata hubani jolma na sirsir marlajar ampa mamakei hauhuron na humba-Ni. Sirsir do homa Naibata mangkasomani jolma na ra mambuka uhurni manangihon ampa mardalan bani rosuh-Ni. Bahkan bani ay.13, ipadanhon Naibata do homa habayakon ampa hasangapon hubani. Artini, anggo domma marosuh Naibata mangidah hauhuron ampa goluh ni sasada halak, ijai do homa unjah Ia age mangondoskon pasu-pasu-Ni hubani sidea. 

3. Refleksi

a. Hasedaon ni buei jolma sedo halani masalah hidup atap halani na hurang tapi halani na lang memiliki uhur na pantas atau hikmat na humbani Naibata do. Sidea pitah ibobai rosuh ampa pingkiran ni sandiri janah lang sirsir ibobai ampa mamakei hauhuron na humbani Naibata. 

b. Mamakei hauhuron na humbani Naibata do mambahen goluhta boi marhatalupon ilobei ni Naibata. Usih songon si Salomo gabe jolma harosuh ilobei ni Naibata, sonai do homa hita gabe harosuh ilobei ni Naibata anggo sirsir hita ibobai janah iparuhuri Naibata. Ulang ma hita sihol ipasu-pasu janah ipargogohi hape uhurta lalap daoh humbani Naibata.

c. Aha pe statusta bei bani keluarga, masyarakat, negara ampa gereja, horjahon hita ma ganup ai marhitei na mamakei hauhuron atau hikmat na humbani Naibata ase kehadiranta boi gabe pasu-pasu, ulang gabe partolsuan bani halak na legan. 

d. Songon keistimewaan na ibere bani Salomo, sonai do homa hita memiliki keistimewaanta bei i lobei ni Naibata anggo sirsir hita manjalo ampa mamakei hauhuron na humbani Naibata.

e. Ase parlobei ma pindahi hita harajaon ni Naibata ampa hapintoranni, dob ai tambahkonon-Ni do ganupan ai banta (Mat. 6:33). Mardalan bani rosuh ni Naibata, aima gabe arta siharganan banta.

Haleluya No. 18 : 1 – 2