LAMBIN DOHOR BANI NAIBATA AGE SANGGAH MANARON (Sibasaon 23 Juli 2017)

Sibasaon 23 Juli 2017, Psalmen 86 : 11 – 17 

LAMBIN DOHOR BANI NAIBATA AGE SANGGAH MANARON

1. Ambilan on aaima tonggo ni parpsalmen (Daud) sanggah tarsosak ia ibahen munsuhni aima halak parjahat. Bani kondisi na sonai ai ipangindo do ase iajarhon Naibata dalan-Ni hubani ase mardalan ia ibagas hasintongan (ay.11). Ijon iposisihon si Daud do dirini sebagai murid na sirsir marlajar bani hata atau dalan ni Naibata. Sadar do parpsalmen bahwa sitaronon sangat rentan pagalekkon uhur ampa haporsayaon sehingga sikapni bani situasi ai aima marlajar bani hata ni Naibata ase lambin marurat hata ai bani dirini sehingga lang morbat haporsayaonni halani sitaronon ai.

 

2. Adong do prinsip bani parpsalmen bahwa bani ganup na masa ningon do totap mardalan ia ibagas hata atap hasintongan ni Naibata. Ihaporsayai do bahwa marhitei hata ni Naibata do ia gabe tahan mandompakkon sitaronon ai. Isadari bahwa hasedaon bani goluhni sedo halani sitaronon atau ancaman tapi anggo daoh ia humbani dalan ni Naibata do. Halani ai sitarononni ai justru gabe kesempatan do bani laho membangun haporsayaon.

 

3. Halani ai age bani situasi na marsitaronon ipataridahkon do tongtong sihol ni uhurni mamuji ampa pasangapkon Naibata (12). Prinsip na sonon boi tubuh halani ihaporsayai bahwa Naibata sirsir do mampargogohisi ampa paluahkonsi humbani tangan ni munsuhni (ay.13-16). Ijon Daud sadar bahwa humbani dirini ia lang margogoh manlawan musuhni halani ai age marhitei sitaronon ai pe lambin ipaondos do dirini hubani Naibata. Atau, lang lambin daoh ia humbani Naibata halani sitaronon tapi sebalikni lambin dohor janah lambin marhatengeran do. Ihaporsayai do bahwa mangajamhon gogoh na humbani Naibata lang anjai maseda janah talu ia ibahen parjahat atau munsuhni.

 

4. Bahkan ipangindo do ase ibahen Naibata hubani tanda hadearon ase maila halak sidomdomi ia (ay.17). Anggo ipangindo tanda hadearon sedo maksudni Naibata lupa mansarihonsi sehinggo porlu ibere tanda hadearon ai. Tapi na imaksud ijon aima ase lambin ibere uhur ampa haporsayaon na lambin peka atau tanggap laho mangidah tanda hadearon na humbani Naibata do. Artini, tanda hadearon na humbani Naibata totap do hadir, hanya boi iidah pitah anggo tajam atau buka mata ni uhur atap haporsayaon do.  Dpl.: Anggo lang tajam mata ni haporsayaon gabe lingot ma tanda hadearon ai. Menajamhon mata ni haporsayaon ai aima marhitei na sirsir marlajar janah iajari Naibata do. Anggo lang marurat pangajarion ni Naibata bani dirini, gabe lingot ma bani pangurupion ni Naibata janah on berdampak hubani ketakutan bahkan pandoleian bahkan boi use manorihi pangurupion humbani kuasa-kuasa ni dunia on.

 

5. Refleksi

 

a. Buei do homa ancaman ampa pergumulan banta sebagai halak na porsaya. Boi do ai humbani halak parjahat, boi homa marhitei keadaan ekonomi, sindohor atap keluarga age humbani hamajuan zaman pnl. Domu hujin ma porlu hita lambin pabagashon pangarusion atau marlajar bani hata ni Tuhan ase lambin iidah janah ihaporsayai hita bahasa markuasa do Naibata mampargogohi ampa manjaga hita.

b. Usih do goluh on songon na marparau i tongah ni laut na gati idorap logou. Domu hujin ma porlu ijaga hita ketahanan ni paraunta. Cara manjaga aima selalu setia mangisi goluhta bani hata ni Tuhan ase boi iidah hita campur tangan ni Tuhan bani ganup situasi na idompakkon hita. Marhitei hata ni Tuhan do boi lambin toguh haporsayaonta. Anggo galek haporsayaonta ijai ma urah hita harom atau maseda halani na masa. Sebalikni lambin bagas urat ni haporsayaonta ijai ma hita boi totap berdiri teguh pori pe buei logou ni goluh on mandorap hita.

c. Jati diri sebagai halak na porsaya somalni terbukti sanggah adong sitaronon do. Na sintong porsaya maka goluhni memiliki sifat totap setia mardalan bani hata ampa hasintongan ni Tuhan bani ganup na masa. Ia lang menggantungkon goluh ampa malas ni uhurni hubani masalah tapi hubani Naibata do. Ia selalu mampu mangidah tanda kehadiran ni Naibata bani goluhni pori pe aha na masa.  

d. Haleluya No. 444   

pdt.jeddy s

 

Read 978 times

Last modified on Thursday, 13/07/2017

Download attachments:

3 comments

  • prochlorperazine von Spezialisten empfohlen

    posted by prochlorperazine von Spezialisten empfohlen

    Friday, 29/12/2023

    Thanks to my father who told me concerning this website, this web site is genuinely amazing.

  • cena risedronate w Kaliszu

    posted by cena risedronate w Kaliszu

    Saturday, 28/10/2023

    Simply wish to say your article is as astonishing. The clearness in your post
    is simply spectacular and i could assume you are an expert
    on this subject. Fine with your permission let me to grab your RSS feed to
    keep updated with forthcoming post. Thanks a million and please keep up the
    rewarding work.

  • Joey

    posted by Joey

    Thursday, 05/10/2023

    Hi there, I discovered your blog via Google whilst
    searching for a comparable subject, your site came up, it seems to be great.
    I have bookmarked it in my google bookmarks.


    Hello there, simply turned into alert to your blog thru Google,
    and located that it's truly informative. I'm going to be careful for brussels.
    I will appreciate if you proceed this in future. Many people will probably be
    benefited out of your writing. Cheers!

Leave a comment

Make sure you enter all the required information, indicated by an asterisk (*). HTML code is not allowed.

Go to top