PUJI MA NAIBATA HALANI ITANGIHON DO HITA (Ambilan 28 Mei 2017)

Ambilan 28 Mei 2017, Psalmen 68: 20-22, 32-35

PUJI MA NAIBATA HALANI ITANGIHON DO HITA

Psalmen on marisi hasaksian pasal holong ni Naibata bani bangsa-Ni mamungkah hun Masir nari ronsi boi menikmati kehidupan i tanoh Kanaan. Naibata itanda sebagai Tuhan na mangusung (‘menanggung’) /ay.20, artini: mangombah. Pengalaman ni sidea, ibagas ketidak berdayaan do jumpah haluahon janah gabe na martuah halani iusung Naibata. Hatuahon tercipta anggo Naibata bertindak i tongah-tongah ni bangsa-Ni. Bahkan Naibata boi mangubah hamateian gabe hagoluhan atau haluahon (ay.21) marhitei na ipatunduk haganup munsuh ni sidea (ay.22). Munsuh ampa sitaronon irefleksihon ibagas haporsayaon sehingga tubuh pengakuan bahwa gogohan do Naibata marimbang haganup kuasa na i tanoh on.

Haganup pambahenan ni Naibata irespon marhitei tarimakasih ampa puji-pujian. Bahkan isobut ‘sai napuji ma Tuhan in ganup ari’ (ay.20). Maksudni, pangurupion ni Naibata selalu hadir baru setiap hari sehingga pamujion pe lang boi holang, tiada hari tanpa pujian hubani Naibata. Halani ai Psalmen on isobut do homa psalmen puji-pujian sekaligus pengajaran ase bangsa ai totap marpangunsandean pitah hubani Naibata. On sangat porlu halani salah sada kelemahan ni bangsa ai aima na urah marbalik gabe marsombah hubani naibata-naibata na legan. Hatuahon ampa haluahon bergantung hubani sonaha sidea setia mambalosi Naibata do.

Isaksihon do homa bahwa ganup bangsa na i tanoh on akan dihut mangakui kuasa ni Naibata (ay.32-33). Artini, sagala naibata na isombah bangsa-bangsa akan terbukti lang berdaya paluahkon. Sagala na marhatengeran hubani naibata na legan pasti tarbador, sebalikni na mangakuhon kuasa ni Naibata jumpahan hatuahon age bani panorang na sihol roh. On dihut patugahkon kehadiran ni Mesias na menjamin haluahon na kekal bani bangsa-Ni.

Selanjutni ipatugah do hajombuton kuasa ni Naibata na meliputi alam semesta (ay.34-35). Bani sejarah ni bangsa ai, kehadiran ni Naibata gati nyata marhitei peristiwa alam na dahsyat, misalni laut gabe horah, mamunuh munsuh ni bangsa ai marhitei longgur na doras, padaratkon bah humbani batu na koras, pnl. Halani hajombuton ni Naibata, lang adong jolma na mampu padumpar bohi pakon-Si janah kehadiran-Ni gati inyatahon melalui peristiwa alam misalni marhitei api, hombun, pnl. Halani ai, anggo alam pe marianan do i toruh kuasa ni Naibata, sihol mangkatahon ase ulang iparnaibata jolma in alam tapi alam ciptaan aima sibere-bere ni Naibata do janah ketika menikmati alam iman harus bertumbuh.

Irimpunhon do haganupan pasal kuasa ni Naibata bani ay.36, nini: marhajombuton do Naibata manrajai. Artini, lang mampu akal pikiran ni jolma menjangkau kuasa ni Naibata. Halani ai lang talup jolma in mengkritik apa lagi mansalahkon Naibata pasal atap aha pe. Sidearan sikap ni jolma aima mamuji janah marondos pitah hubani Naibata ma.

Refleksi

Otoritas kuasani Naibata lang bersifat parsial na pitah bani bangsa-Ni, tapi menjangkau haganup bangsa-bangsa na i tanoh on. Halaani ai, ulang ma biaran hita hubani jolma atau bangsa na gogoh marimbang hubani Naibata. Ulang iparnaibata hita siparkuasa na i tanoh on tapi totap ma uhurta marondos janah mamuji pitah hubani Naibata tumang, balosan ma bani Naibata marimbang jolma.
Kuasa ni Naibata sangat nyata do i tanoh on tapi lang homa haganup jolma in merespon ai secara baik, lang haganup sirsir porsaya janah mamuji Naibata. Ambilan on secara tegas bahwa sagala na mamparnalang kuasa ni Naibata tarbador do halani Naibata do na mangimbangsi.
Gok bani Naibata do goluhta. Ia do na pasirsirhon haporluanta ampa Sipaluah banta. Halani ai porlu memiliki uhur na martarimakasih. Ulang ma roh hubani Naibata ketika suasana sulit tapi lupa mamuji Naibata ketika situasi nyaman. Ulang pitah sirsir menikmati holong ni Naibata tapi lang sirsir mamuji Naibata. Goluh jasmani ampa rohani lang boi ipisahkon.
Mamuji Naibata aima sikap na memiliki komitmen sirsir pasangapkon Naibata. Pasangapkon Naibata mararti do ai marusaha pamalaskon uhur ni Naibata marhitei hata age langkahta pe. Artini, hampung ma langkahta mardalan domu bani rosuh ni Naibata. Ulang ma pitah mamuji ibagas hata hape goluhta lape dihut pasangapkon Naibata.
Hagogokni holong-Ni tarbukti do marhitei Tuhan Jesus na sirsir roh hu dunia on manaluhon musuhta aima dosa ampa hamateian ase boi parsimada hita bani harajaon ni Naibata.

Haleluya 451 : 1, 2[]

Published in: Ambilan & Sibasaon

Read 1025 times

Last modified on Thursday, 13/07/2017